ନୂଆଦିଲ୍ଲୀ,୦୪-୦୫ : ଏୟାର ଇଣ୍ଡିଆ, ଆଲିଆନ୍ସ ଏୟାର, ଭାରତୀୟ ବାୟୁ ସେନା (ଆଇଏଏଫ) ଏବଂ ଘରୋଇ କ୍ୟାରିଅରମାନଙ୍କ ଦ୍ୱାରା ଲାଇଫ୍ ଲାଇନ୍ ଉଡ଼ାଣ କାର୍ୟ୍ୟକ୍ରମ ମାଧ୍ୟମରେ ୪୩୦ ଥର ବିମାନ ଉଡ଼ାଣ କରାଯାଇଛି । ଏଥି ମଧ୍ୟରୁ ଏୟାର ଇଣ୍ଡିଆ ଓ ଆଲିଆନ୍ସ ଏୟାର ପକ୍ଷରୁ ୨୫୨ ଥର ସେହିଭଳି ବିମାନ ଉଡ଼ାଣ କରାଯାଇଛି । ଆଜି ସୁଦ୍ଧା ଲାଇଫ୍ ଲାଇନ୍ ଦ୍ୱାରା ମୋର ୭୯୫.୮୬ ଟନ୍ ସାମଗ୍ରୀ ଦେଶର ବିଭିନ୍ନ ସ୍ଥାନରେ ପହଞ୍ଚାଯାଇଛି । ସେହି ସମୟ ମଧ୍ୟରେ ଏହି ବିମାନଗୁଡ଼ିକ ମୋଟ ୪,୨୧,୭୯୦ କିଲୋମିଟର ଆକାଶପଥ ଯାତ୍ରା କରିଛନ୍ତି । କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତୟଣାଳୟ ପକ୍ଷରୁ ଏଭଳି ‘ଲାଇଫ୍ ଲାଇନ୍ ଉଡ଼ାଣ’ କାର୍ୟ୍ୟକ୍ରମ ସଂପାଦନ କରାଯାଉଛି ଏବଂ କୋଭିଡ଼-୧୯ ମହାମାରୀ ବିରୋଧରେ ଦେଶବ୍ୟାପୀ ଜାରି ସଂଗ୍ରାମରେ ସହଯୋଗ କରିବା ନିମନ୍ତେ ଦେଶର ଦୁର୍ଗମତମ ସ୍ଥାନରେ ମେଡ଼ିକାଲ ଉପକରଣ ଏବଂ ଔଷଧପତ୍ର ପହଞ୍ଚାଯାଉଛି ।
ପବନ ହଂସ ଲିମିଟେଡ଼ ସମେତ ହେଲିକପ୍ଟର ସେବାକୁ ମଧ୍ୟ ଜମ୍ମୁ ଓ କଶ୍ମୀର, ଲଦାଖ, ଦ୍ୱୀପାଞ୍ଚଳ କ୍ଷେତ୍ର ଏବଂ ଉତ୍ତର ପୂର୍ବାଞ୍ଚଳ କ୍ଷେତ୍ର ପାଇଁ କାର୍ୟ୍ୟକାରୀ କରାଯାଉଛି ଏବଂ ସେଥିରେ ଅତି ଜରୁରି ମେଡ଼ିକାଲ ସାମଗ୍ରୀ ତଥା ରୋଗୀମାନଙ୍କୁ ପରିବହନ କରାଯାଉଛି । ପବନ ହଂସ ମେ ୨, ୨୦୨୦ ଠାରୁ ଅଦ୍ୟାବଧି ୭,୭୨୯ କିଲୋମିଟର ଆକାଶ ପଥ ଯାତ୍ରା କରି ୨.୨୭ ଟନ୍ ମାଲ ବିଭିନ୍ନ ସ୍ଥାନରେ ପହଞ୍ଚାଇଛି । ଉତ୍ତର ପୂର୍ବାଞ୍ଚଳ କ୍ଷେତ୍ର, ଦ୍ୱୀପପୁଞ୍ଜ କ୍ଷେତ୍ର ଏବଂ ପାର୍ବତ୍ୟ କ୍ଷେତ୍ର ପ୍ରତି ଏଥିରେ ବିଶେଷ ପ୍ରାଧାନ୍ୟ ଦିଆଯାଇଛି । ଏୟାର ଇଣ୍ଡିଆ ଏବଂ ଭାରତୀୟ ବାୟୁ ସେନା ମିଳିତ ଭାବେ ମୁଖ୍ୟତଃ ଜାମ୍ମୁ ଏବଂ କାଶ୍ମୀର, ଲଦାଖ, ଉତ୍ତର ପୂର୍ବାଞ୍ଚଳ କ୍ଷେତ୍ର ଏବଂ ଅନ୍ୟାନ୍ୟ ଦ୍ୱୀପପୁଞ୍ଜ କ୍ଷେତ୍ରରେ ମେଡ଼ିକାଲ ସାମଗ୍ରୀ ପହଞ୍ଚାଇବା ଦାୟିତ୍ୱ ବହନ କରିଛନ୍ତି ।
ଘରୋଇ ମାଲ ପରିବହନକାରୀ ବିମାନ ସଂସ୍ଥା ଯଥା, ସ୍ପାଇସ୍ ଜେଟ୍, ବ୍ଲୁ ଡାର୍ଟ, ଇଣ୍ଡିଗୋ ଏବଂ ବିସ୍ତାରା ମେଡ଼ିକାଲ୍ ସାମଗ୍ରୀ ଭଳି ମାଲ ବ୍ୟବସାୟିକ ଭିତ୍ତିରେ ପରିବହନ କରୁଛନ୍ତି । ସ୍ପାଇସ୍ ଜେଟ୍ ୭୬୦ ଥର ବିମାନ ଯାତ୍ରା ମାଧ୍ୟମରେ ମାର୍ଚ୍ଚ ୨୪ ତାରିଖ ଠାରୁ ମେ ୨, ୨୦୨୦ ପର୍ୟ୍ୟନ୍ତ ମୋଟ ୧୩,୦୯,୩୧୦ କିଲୋମିଟର ଆକାଶପଥ ଯାତ୍ରା କରି ୫,୫୧୯ ଟନ୍ କାର୍ଗୋ ଲକ୍ଷ୍ୟସ୍ଥଳରେ ପହଞ୍ଚାଇଛି । ସେଥି ମଧ୍ୟରୁ ୨୭୯ଟି ଅନ୍ତରାଷ୍ଟ୍ରୀୟ କାର୍ଗୋ ବିମାନ ପରିଚାଳନା । ବ୍ଲୁ ଡାର୍ଟ ମାର୍ଚ୍ଚ ୨୫ ତାରିଖ ଠାରୁ ମେ ୨, ୨୦୨୦ ମଧ୍ୟରେ ୨୫୩ ଥର ବିମାନ ଚଳାଇ ମୋଟ ୨, ୭୬, ୭୬୮ କିଲୋମିଟର ଆକାଶ ପଥ ଯାତ୍ରା କରି ୪,୩୬୪ ଟନ୍ କାର୍ଗୋ ପରିବହନ କରିଛି । ସେଥି ମଧ୍ୟରେ ୧୨ଟି ଅନ୍ତରାଷ୍ଟ୍ରୀୟ କାର୍ଗୋ ପରିବହନ ଯାତ୍ରା ସାମିଲ । ସେହିଭଳି ଇଣ୍ଡିଗୋ ପକ୍ଷରୁ ଅପ୍ରେଲ ୩ ଠାରୁ ମେ ୨, ୨୦୨୦ ତାରିଖ ମଧ୍ୟରେ ୮୭ ଥର ଉଡ଼ାଣ ମାଧ୍ୟମରେ ୧,୪୩,୬୦୪ କିଲୋମିଟର ଆକାଶ ପଥ ଯାତ୍ରା ମାଧ୍ୟମରେ ୪୨୩ ଟନ୍ କାର୍ଗୋ ପରିବହନ କରାଯାଇଛି ଏବଂ ସେଥିରେ ୩୨ ଥର ଅନ୍ତରାଷ୍ଟ୍ରୀୟ ଉଡ଼ାଣ ସାମିଲ । ଏଥିରେ ମେଡ଼ିକାଲ ସାମଗ୍ରୀ ପରିବହନ ମାଗଣାରେ ସରକାରଙ୍କ ପାଇଁ ସଂପାଦନ କରାଯାଇଛି । ବିସ୍ତାରା ଅପ୍ରେଲ ୧୯ ଠାରୁ ମେ ୨, ୨୦୨୦ ତାରିଖ ମଧ୍ୟରେ ୨୦ଟି କାର୍ଗୋ ପରିବହନ ଯାତ୍ରା ମାଧ୍ୟମରେ ୨୮,୫୯୦ କିଲୋମିଟର ଆକାଶପଥ ଅତିକ୍ରମ କରି ମୋଟ ୧୩୯ ଟନ୍ ସାମଗ୍ରୀ ଦେଶର ବିଭିନ୍ନ ସ୍ଥାନରେ ପହଞ୍ଚାଇଛି ।
ପୂର୍ବ ଏସିଆରୁ ଔଷଧ ସାମଗ୍ରୀ, ମେଡ଼ିକାଲ ଉପକରଣ ଏବଂ କୋଭିଡ଼-୧୯ ରିଲିଫ୍ ସାମଗ୍ରୀ ପରିବହନ ସକାଣେ ଏକ କାର୍ଗୋ ଏୟାର ବ୍ରିଜ୍ ସ୍ଥାପନ କରାଯାଇଥିଲା । ଏହା ଦ୍ୱାରା ପୂର୍ବ ଏସିଆରୁ ଏୟାର ଇଣ୍ଡିଆ ଦ୍ୱାରା ମୋଟ ୮୯୯ ଟନ୍ ମେଡ଼ିକାଲ୍ ସାମଗ୍ରୀ ଭାରତକୁ ତୁରନ୍ତ ପରିବହନ କରାଯାଇପାରିଛି ।
ଏହା ବ୍ୟତୀତ ବ୍ଲୁ ଡାର୍ଟ ଅପ୍ରେଲ ୧୪ ଠାରୁ ମେ ୨, ୨୦୨୦ ମଧ୍ୟରେ ଚୀନର ଗୁଆଙ୍ଗଝାଉ ଏବଂ ସାଙ୍ଘାଇରୁ ୧୧୪ ଟନ୍ର ମେଡ଼ିକାଲ ଉପକରଣ ଦେଶକୁ ପରିବହନ କରିଛି । ସେହିଭଳି ସ୍ପାଇସ୍ ଜେଟ୍ ପକ୍ଷରୁ ମେ ୨, ୨୦୨୦ ପର୍ୟ୍ୟନ୍ତ ସାଂଙ୍ଘାଇ ଏବଂ ଗୁଆଙ୍ଗଝାଉରୁ ମୋଟ ୨୦୪ ଟନର ମେଡ଼ିକାଲ ସାମଗ୍ରୀ ଏବଂ ହଂକଂ ଓ ସିଙ୍ଗାପୁରରୁ ମେ ୨, ୨୦୨୦ ତାରିଖ ସୁଦ୍ଧା ୧୬ ଟନ୍ ମେଡ଼ିକାଲ ଉପକରଣ ଓ ଔଷଧ ପରିବହନ କରାଯାଇଛି ।