ଆସିକା ୨୩/୬(ଜିଲ୍ଲା ଖବର) :ଗଞ୍ଜାମ ଜିଲ୍ଲା ଆସିକାର ପ୍ରସିଦ୍ଧ ଆରାଧ୍ୟା ଦେବୀ ମା’ ଖମ୍ବେଶ୍ୱରୀ ଶକ୍ତିପୀଠର ସୌନ୍ଦର୍ଯ୍ୟକରଣ ଦିଗରେ ଏକ ପ୍ରଶଂସନୀୟ ପଦକ୍ଷେପ ଦେଖିବାକୁ ମିଳିଛି। **ଆସିକା ଠେଲା ଗାଡ଼ି ସଂଘ** ପକ୍ଷରୁ ଆସିକା ବସଷ୍ଟାଣ୍ଡ ନିକଟରେ ମା’ ଖମ୍ବେଶ୍ୱରୀ ଶକ୍ତିପୀଠ ନାମରେ ଏକ ଅତ୍ୟନ୍ତ ଆକର୍ଷଣୀୟ ଏବଂ ସୁନ୍ଦର ଆଲୋକୀକରଣ ତୋରଣ (ଗେଟ୍) ନିର୍ମାଣ କରାଯାଇଛି।
ପୂର୍ବରୁ ମଧ୍ୟ ଏହି ସଂଘ ପକ୍ଷରୁ ମା’ଙ୍କ ପୀଠ ପାଇଁ ଏକ ସୁଦୃଶ୍ୟ ସ୍ବାଗତ ଗେଟ୍ ନିର୍ମାଣ କରାଯାଇଥିଲା, ଯାହା ଏବେ ସମଗ୍ର ଆସିକା ସହରର ସୌନ୍ଦର୍ଯ୍ୟକୁ ଦ୍ଵିଗୁଣିତ କରୁଛି। ରାତିର ଆଲୋକମାଳାରେ ଝଲସି ଉଠୁଥିବା ଏହି ତୋରଣ ଏବେ ସ୍ଥାନୀୟ ଅଞ୍ଚଳରେ ବେଶ୍ ଚର୍ଚ୍ଚାର ବିଷୟ ପାଲଟିଛି ଏବଂ ଶ୍ରଦ୍ଧାଳୁଙ୍କୁ ଆକୃଷ୍ଟ କରୁଛି। ସଂଘର ଏଭଳି ଭକ୍ତିପୂତ ଏବଂ ଜନହିତକର କାର୍ଯ୍ୟକୁ ସ୍ଥାନୀୟ ବୁଦ୍ଧିଜୀବୀ ଓ ଜନସାଧାରଣ ବେଶ୍ ପ୍ରଶଂସା କରିଛନ୍ତି।