ଆସ୍କା ବ୍ଲକ ସ୍ଥିତ ନିମିନା ବୃନ୍ଦାବନ ଚନ୍ଦ୍ର ମହାବିଦ୍ୟାଳୟ, କେନ୍ଦୁପଦର ମାନକ ପାଠ ପଢ଼ା ସହ ନିଜର ପରିବେଶ ପ୍ରତି ନିଜର କର୍ତ୍ତବ୍ୟକୁ ପାଳନ କରେ; ସେହି କ୍ଷେତ୍ରରେ ହିଁ ଅଧ୍ୟକ୍ଷ ଶ୍ରୀ ଅମର ପ୍ରସାଦ ବିଷୋୟୀଙ୍କ ନିର୍ଦ୍ଦେଶ କ୍ରମେ ଏକ ବିଶାଳ ବନ ମହୋତ୍ସବ ଆୟୋଜିତ ହୋଇ ଯାଇଛି I ଅନୁଷ୍ଠାନର ଯୁବ ରେଡ୍ କ୍ରୋସ, ଜାତୀୟ ସେବା ଯୋଜନା ଓ ଭାରତୀୟ ସ୍କାଉଟ ଗାଇଡ଼ର ମିଳିତ ଆନୁକୂଲ୍ୟରେ ଉକ୍ତ କାର୍ଯ୍ୟକ୍ରମଟି ଅନୁଷ୍ଠିତ ହୋଇ ଯାଇଛି I ଏହି କାର୍ଯ୍ୟକ୍ରମରେ ପ୍ରାୟ ୨୦୦ ଟି ବୃକ୍ଷ ରୋପଣ କରାଯାଇଛି I “ମାଆ ପାଇଁ ଗଛଟିଏ ୨. ୦” ନାମରେ ଏହି କାର୍ଯ୍ୟକ୍ରମଟି ଅନୁଷ୍ଠାନରେ ଅତି ସଫଳ ଭାବରେ ପାଳିତ ହୋଇଛି I ଅଧ୍ୟକ୍ଷ ଶ୍ରୀ ଅମର ପ୍ରସାଦ ବିଷୋୟୀ ପ୍ରଥମେ ଏକ ବୃକ୍ଷ ରୋପଣ କରି କାର୍ଯ୍ୟକ୍ରମର ଉଦ୍ଘାଟନ କରିଥିଲେ I ସମସ୍ତ ସ୍ବେଚ୍ଛାସେବୀ, ସ୍ବେଚ୍ଛାସେବିନୀ, ଅଧ୍ୟାପିକା, ଅଧ୍ୟାପକ ଓ ଛାତ୍ରୀଛାତ୍ର ମିଳିତ ଭାବରେ ବୃକ୍ଷ ରୋପଣ କରିଛନ୍ତି I ଉକ୍ତ କାର୍ଯ୍ୟକ୍ରମରେ ଯୁବ ରେଡ୍ କ୍ରୋସର ସଂଯଜୋକ ଡ଼କ୍ଟର କୁନା ସୁନା, ସହ ସଂଯୋଜିକା ସୁଶ୍ରୀ ଶୁଭଶ୍ରୀ, ଭାରତୀୟ ସ୍କାଉଟ ଓ ଗାଇଡ଼ର ରୋଭର ଶ୍ରୀ ଉପେନ୍ଦ୍ର ମାଝୀ, ରେଞ୍ଜର ସୁଶ୍ରୀ ସୁଜାତା ଟେଟେ ଏବଂ ଜାତୀୟ ସେବା ଯୋଜନାର ସଂଯୋଜକ ଶ୍ରୀ ସିଲୁ ସେଠୀ, ଅନୁଷ୍ଠାନର ପ୍ରଶାସନିକ ଅଧିକାରୀ ଶ୍ରୀ ଅଭିଷେକ ବେହେରା ଓ ବିତ୍ତୀୟ ଅଧିକାରୀ ଶ୍ରୀ ରୁଦ୍ରମାଧବ ମହାନ୍ତି ଆଦି ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଛନ୍ତି I
