ସାନଖେମୁଣ୍ଡିରେ ବ୍ଲକ କଂଗ୍ରେସର ଗାନ୍ଧୀ ଜୟନ୍ତୀ ପାଳନ । ଗାନ୍ଧୀ ଛକରେ ଗାନ୍ଧୀଜୀଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ଅର୍ପଣ କଲେ ବିଧାୟକ ରମେଶ ଜେନା ।

ଅନୁଗତଙ୍କୁ କଂଗ୍ରେସର ବିଚାରଧାରା ଏବଂ ଗାନ୍ଧିଜୀଙ୍କ ଗ୍ରାମ ସ୍ଵରାଜ୍ୟର ଅନୁଚିନ୍ତା ନେଇ ନିଜର ବକ୍ତବ୍ୟ ରଖିଥିଲେ । ଗାନ୍ଧିଜୀଙ୍କ ଆଦର୍ଶ ଏବଂ ସ୍ଵାଧୀନତା ଆନ୍ଦୋଳନର ମହତ୍ୱରେ କଂଗ୍ରେସର ଭୂମିକାକୁ ନେଇ କର୍ମୀ ସମୂହଙ୍କ ଏକାଗ୍ରତାକୁ ନେଇ ଉପସ୍ଥିତ କର୍ମୀଙ୍କୁ ଅନୁପ୍ରାଣିତ କରିଥିଲେ । ବ୍ଲକ୍ କଂଗ୍ରେସ ସଭାପତି ବାବୁଲା ଦୋରାଙ୍କ ପୌରହିତ୍ୟରେ ଆୟୋଜିତ ଏହି ସମାବେଶରେ ପୂର୍ବତନ ବ୍ଲକ ସଭାସତି ବାଉରୀ ବନ୍ଧୁ ପ୍ରଧାନ , ପୂର୍ବତନ ବ୍ଲକ ଅଧ୍ୟକ୍ଷ ଲକୋ ଚରଣ ପାତ୍ର , ଏ ଭାସ୍କର ରେଡ୍ଡୀ , ରଘୁନାଥ ବେହେରା , ମୁକୁନ୍ଦ ବରାଡ , ନିରାକାର ପ୍ରଧାନ ,ପ୍ରତାପ ପ୍ରଧାନ ପ୍ରମୁଖ ଶତାଧିକ କଂଗ୍ରେସ କର୍ମୀ ଓ କର୍ମକର୍ତ୍ତା ଅଂଶ ଗ୍ରହଣ କରିଥିଲେ ।

ଆୟୋଜିତ ଏହି କାର୍ଯ୍ୟକ୍ରମର ସ୍ଵତନ୍ତ୍ର ଆଲୋଚନାରେ ନିଷ୍କ୍ରିୟ ଥିବା ଯୁବ ସଂଗଠନର କ୍ରିୟାଶୀଳତାର ବିଚାରକୁ ନେଇ ବ୍ଲକ ଯୁବ କଂଗ୍ରେସର ପୁନର୍ଗଠନ ପାଇଁ ପଦକ୍ଷେପ ଗ୍ରହଣ କରାଯାଇଥିଲା । ବୈଠକରେ ବ୍ଲକ ଯୁବ କଂଗ୍ରେସର ନୂତନ କର୍ମକର୍ତ୍ତା ଭାବେ ଅରୁଣ ଖୁଣ୍ଟିଆ ସଭାପତି , ମିଟୁ ଜେନା ଉପ ସଭାପତି , ଜିଣ୍ଟୁ ସାହୁ ସମ୍ପାଦକ , ସଞ୍ଜୟ ବିଷୋୟୀ କୋଷାଧ୍ୟକ୍ଷ ଏବଂ ଜୋନ ସମ୍ପାଦକ ଭାବେ ପ୍ରଭାକର ତ୍ରିପାଠୀଙ୍କୁ ମନୋନୀତ କରାଯାଇଥିଲା ।
ଗଞ୍ଜାମ ରୁ ଅଖିଳ କୁମାର ପଟ୍ଟନାୟକଙ୍କ ରିପୋର୍ଟ ଜିଲ୍ଲା ଖବର ।