ନନ୍ଦାହାଣ୍ଡି, ୧୦/୦୯/୨୨ ( ଜିଲ୍ଲା ଖବର ) : ଅଗଷ୍ଟ କ୍ରାନ୍ତି ଦିବସରେ ସ୍ବାଧୀନତାର ଗୌରବ ପଦଯାତ୍ରା ତ୍ୟାଗ ଓ ବଳିଦାନର ୭୫ବର୍ଷ ଉପଲକ୍ଷେ ନବରଙ୍ଗପୁର ଜିଲ୍ଲା କଂଗ୍ରେସ କମିଟି ତରଫରୁ l
ନନ୍ଦାହାଣ୍ଡି ବ୍ଲକରେ ଜିଲ୍ଲା କଂଗ୍ରେସ କମିଟି ପକ୍ଷରୁ ଏହି ପଦଯାତ୍ରାର ଶୁଭାରମ୍ଭ କରାଯାଇଛି ।
ବ୍ଲକର ସହିଦ ଗ୍ରାମ ନୂଆଗାଁ ଠାରୁ ଡଙ୍ଗର ଭେଜା ପର୍ଯ୍ୟନ୍ତ ଏହି ସ୍ଵାଧୀନତାର ଗୌରବ ପଦଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହା ଆସନ୍ତା ୧୪ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ।
ଏହି କାର୍ଯ୍ୟକ୍ରମରେ ପ୍ରଦେଶ କଂଗ୍ରେସ କମିଟିର ପର୍ଯ୍ୟବେକ୍ଷକ ଭାବେ ମାଲକାନଗିରିର ପୂର୍ବତନ ବିଧାୟକ ତଥା ବରିଷ୍ଠ ନେତା ନିମାଇଁ ସରକାରଙ୍କ ଉପସ୍ଥିତ ଥିଲେ ।
ଜିଲ୍ଲା କଂଗ୍ରେସ ଜିଲ୍ଳା ସଭାପତି ମନରଞ୍ଜନ ତ୍ରିପାଠୀ,ପୂର୍ବତନ ବିଧାୟକ ଭୁଜବଳ ମାଝୀ,ନନ୍ଦାହାଣ୍ଡି ବ୍ଲକ କଂଗ୍ରେସ ସଭାପତି ବୃନ୍ଦାବନ ତ୍ରିପାଠୀ, ଦ୍ବାରିକା ମହାପାତ୍ର,ଦିଲିପ କୁମାର ବେହେରା ଓ ନନ୍ଦାହାଣ୍ଡି ବ୍ଲକ ଓ ଜିଲ୍ଲା କଂଗ୍ରେସ କର୍ମୀମାନେ ଉପସ୍ଥିତ ଥିଲେ ।
ଏହି ପରିପ୍ରେକ୍ଷୀରେ ନୂଆଁ ଗାଁରେ ସହିଦ୍ ଘାସି ଜାନୀ ଓ ଦୀନବନ୍ଧୁ ଜାନୀଙ୍କ ପ୍ରତିମୂର୍ତ୍ତି ସ୍ଥାପନ ନିମନ୍ତେ ଶୁଭ ପକାଯାଇଥିଲା । ଏହି କାର୍ଯ୍ୟକ୍ରମରେ ନନ୍ଦାହାଣ୍ଡି ବ୍ଲକ ଜୋନ୍-୨ର ଜିଲ୍ଲା ପରିଷଦ ସଭ୍ୟ ଅରୁଣ କୁମାର ମିଶ୍ର, ଦହଣା ସରପଞ୍ଚ କମଳା ପୂଜାରୀ,ନନ୍ଦାହାଣ୍ଡି ବ୍ଲକ ଲ୍ୟାମ୍ପ ସଭାପତି ଲକ୍ଷ୍ମୀ ନାରାୟଣ ମାଝୀ, ସମିତି ସଭ୍ୟା ହୀରା ମଣି ଜାନୀ ଓ କଂଗ୍ରେସ କର୍ମୀମାନେ ଉପସ୍ଥିତ ଥିଲେ।
ନନ୍ଦାହାଣ୍ଡି ରୁ ବିଷ୍ଣୁ ପ୍ରସାଦ ବିଷୋୟୀ ଙ୍କ ରିପୋର୍ଟ ଜିଲ୍ଲା ଖବର।