ନୂଆ ପୃଥିବୀ…

ନୂଆ ପୃଥିବୀ

ନୂଆ ସମ୍ଭାବନା ନୂଆ ଆଶା ନେଇ

ଆସ ହେ ନୂଆ ବରଷ

ସବୁରି ଜୀବନେ ଭରିଦେଇ ଖୁସି

ଓଠେ ଭରିଦେଇ ହସ ।

ନୂତନ ସୂର୍ଯ୍ୟର ରକ୍ତିମ ଆଭାରେ

ଧରାହେଉ ପୁଲକିତ

ମଣିଷ ମନରୁ ପ୍ରତିହିଂସା ବହ୍ନି

ହୋଇଯାଉ ନିର୍ବାପିତ ।

ବିଶ୍ୱଭାତୃଭାବ ଭାବନାକୁ ନେଇ

କରିବା ଆସ ଶପଥ

ଭରତ ଭୂଇଁକୁ ସରଗ କରିବା

ହାତରେ ମିଶାଇ ହାତ ।

ନୂଆ ବରଷରେ ନୂତନ ରୂପରେ

ଗଢିବା ନୂଆଁ ପୃଥିବୀ ସତ୍ୟ,ଧର୍ମ,ନ୍ୟାୟ ସ୍ନେହ ଶରଧାର

ଥିବଖାଲି ପ୍ରତିଛବି ।

ହିନ୍ଦୁ,ମୁସଲମାନ ଜୈନ,ଖ୍ରୀଷ୍ଟିଆନ

ଆମେ ସବୁ ଭାଇ ଭାଇ

ଭାରତ ମାତାର ସନ୍ତାନ ଆମେରେ

ଚଳିବାରେ ଏକ ହୋଇ ।

ଶାନ୍ତିର ବାରତା ବାଣ୍ଟିବା ସଭିଙ୍କୁ

ଅଶାନ୍ତିକୁ କରିହତ

ପର,ଆପଣାର ଭେଦଭାବ ଭୁଲି

ସଭିଏଁ ବସିବା ମିତ ।

ନାରୀ ମାଂସଲୋଭୀ ରାକ୍ଷସ ମନରେ

ଉଦ୍ରେକ ହେଉ ଚେତନା

ନାରୀ ଶକ୍ତିମୟୀ ଦେବୀଦଶଭୂଜା

ନ ଭାବ ତାକୁ ତାକୁ ଖେଳଣା ।

ନାରୀ ଆଖି ନିଆଁ ଜାଳିବ ଦୁନିଆ

ତ୍ରାହି ପାଇବନି କେହି

ଏଣୁ ସାବଧାନ କର ତା ସମ୍ମାନ

ତାକୁ ଦୁଃଖ ଦିଅ ନାହିଁ ।

ଅନ୍ୟାୟ,ଅକୀର୍ତ୍ତି ଅପସରି ଯାଉ

ସ୍ୱର୍ଗହେଉ ମର୍ତ୍ତ୍ୟମାଟି

ଯାଉ ଲିଭିଯାଉ ଯେତେ ଦୁଃଖ ଦାଉ

ହସୁ ସ୍ରଷ୍ଟାଙ୍କର ସୃଷ୍ଟି ।

…………………………………..

ଶାନ୍ତିଲତା ସେଠୀ (ଶିକ୍ଷୟିତ୍ରୀ), କଲେଜ ଛକ,ଆସିକା, ଗଞ୍ଜାମ