ଓଡିଶା ସରକାରଙ୍କ ବିଜୁ ଯୁବ ସଶକ୍ତିକରଣ ଯୋଜନା ଜରିଆରେ ଓଡ଼ିଶାର +2 ଉତ୍ତୀର୍ଣ୍ଣ ୧୫୦୦୦ ମେଧାବୀ ଛାତ୍ର ଛାତ୍ରୀ ଙ୍କୁ ମାଗଣାରେ ଗୋଟିଏ ଗୋଟିଏ ଲାପଟାପ ଦିଆଯାଉଛି । ସେଇଥିରେ ଗତକାଲି ଓଡିଶା ସରକାରଙ୍କ ଉଚ୍ଚଶିକ୍ଷା ବିଭାଗ ରୁ ଜିଲ୍ଲା ସ୍ତରିୟ କଳା, ବିଜ୍ଞାନ, ଓ ବାଣିଜ୍ୟ ପାଇଁ ଅଲଗା ଅଲଗା ତାଲିକା ପ୍ରକାଶ ପାଇଛି । ସେହି ତାଲିକାରେ ସବୁ ବର୍ଷ ଭଳି ଗୁଣୁପୁର ର ମହର୍ଷି ଗୁରୁକୁଳ ର ଛାତ୍ର ଛାତ୍ରୀ ମାନେ ଅତ୍ୟଧିକ ସ୍ଥାନ ପାଇଛନ୍ତି । ମୋଟ ଉପରେ ସାଧାରଣ ବର୍ଗ ପାଇଁ ୫୧ ରୁ ମହର୍ଷି ଗୁରୁକୁଳ ରୁ ୩୦ ଓ ଅନୁସୂଚିତ ଜାତି ରୁ ୨୪ ରୁ ମହର୍ଷି ଗୁରୁକୁଳ ରୁ ୧୧ ଓ ଜିଲ୍ଲାର ସର୍ବମୋଟ ୧୩୪ ଟି ରୁ ମହର୍ଷି ଗୁରୁକୁଳ ରୁ ଏକାକ ୧୪୪ ଟି ଛାତ୍ର ଛାତ୍ରୀ ମାଗଣା ଲାପଟାପ ପାଇଛନ୍ତି । ତା ସହିତ ସ୍ଥାନୀୟ ଗୁଣୁପୁର ର ବଂଶଧାରା କଲେଜ ରୁ ୭ ଜଣ , ଶାନ୍ତିନିକେଟନ କଲେଜ ରୁ ୫ ଜଣ , ଗୁଣୁପୁର କଲେଜ ରୁ ୨ ଜଣ +2 ବିଜ୍ଞାନ ପାସ ହୋଇଥିବା ପିଲା ଚଳିତ ବର୍ଷ ଏହି ମାଗଣା ଲାପଟୋପ ପାଇଛନ୍ତି । ଗତ ବର୍ଷ ରୁ ଲାପଟାପ ପାଇଁ ପିଲା ପିଛା ୩୦ ହଜାର ଟଙ୍କା ସରକାର ଙ୍କ ତରଫରୁ ପିଲାଙ୍କ ବ୍ୟାଙ୍କ ଖାତା କୁ ପଇଠ କରାଯାଉଛି । ଏହି ସଫଳତା ପାଇଁ ଅନୁଷ୍ଠାନ ର ଅଧ୍ୟକ୍ଷ ସନ୍ତୋଷ ଗୁରୁ, ସମ୍ପାଦକ ରାଜେଶ ପଣ୍ଡା ଓ ନିର୍ଦ୍ଦେଶକ ଲୋକନାଥ ମିଶ୍ର , ଅନୁଷ୍ଠାନ ର ମୁଖ୍ୟ ପ୍ରିୟବ୍ରତ ବିଶୋଇ ସମସ୍ତ ଅଧ୍ୟାପକ ଓ ଅଧ୍ୟାପିକା, ସମସ୍ତ ଛାତ୍ର ଛାତ୍ରୀ, ସମସ୍ତ ଅବିଭାବକ ଙ୍କୁ ଶ୍ରେୟ ଦେଇଛନ୍ତି । ଅନୁଷ୍ଠାନ ରେ ଖୁସି ର ଲହରୀ ଖେଳିଯାଇଛି । ସମ୍ପାଦକ ରାଜେଶ ପଣ୍ଡା ସମସ୍ତ କୃତିତ୍ୱ ଅର୍ଜ୍ଜନ କାରୀ ଙ୍କୁ ପ୍ରସଂଶା କରି ,ଏହିଭଳି ଛାତ୍ର ଛାତ୍ରୀ ମାନେ ଏମିତି ସଫଳତା ର ଶୀର୍ଷ ରେ ପହଞ୍ଚୀବା ରେ ଏଠାକାର ଜ୍ଞାନୀ ପରିଚାଳନା କମିଟି ଓ ଅନୁଭବୀ ଅଧ୍ୟାପକ ଓ ଅଧ୍ୟାପିକା ମୁଖ୍ୟ ଭୂମିକା ରହିଛି ବୋଲି ମତ ପ୍ରକାଶ କରିଛନ୍ତି । ମିଳିଥିବା 30 ହଜାର ଟଙ୍କା ଦ୍ୱାରା ଛାତ୍ର ଛାତ୍ରୀ ମାନଙ୍କ ଉଚ୍ଚ ଶିକ୍ଷା ବାବଦ ରେ ସହାୟକ ହୋଇପାରିଛି ।
ଅନୁଷ୍ଠାନ ପକ୍ଷରୁ ଗତ ବର୍ଷ +2 ବାଣିଜ୍ୟ ଆରମ୍ଭ ହୋଇଛି । ୨୦୧୪ ମସିହାରୁ +2 ବିଜ୍ଞାନ ଶିକ୍ଷା ରେ ଲଗାତାର ଭାବେ ଜିଲ୍ଲା ଟପର ଓ ଅନେକ ଥର ଅଭିବକ୍ତ କୋରାପୁଟ ଜିଲ୍ଲା ଟପର ଏହି ଅନୁଷ୍ଠାନ ର କୃତିତ୍ୱ ପ୍ରତିପାଦନ କରିପାରିଛି । ପୁଣିଥରେ ରାଜେଶ ବାବୁ ଅନୁଷ୍ଠାନ ର ସମସ୍ତ କର୍ମଚାରୀ ,ଅବିଭାବକ ଓ ଛାତ୍ର ଛାତ୍ରୀ , କୃତଜ୍ଞତା ଜଣାଇଛନ୍ତି ।
ଗୁଣପୁର ରୁ ରାମନାଥ ମହାନ୍ତିଙ୍କ ରିପୋର୍ଟ ଜିଲ୍ଲା ଖବର।