
ପିତଳ , ୨୯/୦୩/୨୨ ( ଜିଲ୍ଲା ଖବର ) : ଗଞ୍ଜାମ ଜିଲ୍ଲା ହିଞ୍ଜିଳି ଥାନା ପିତଳ ଛକ ର ବହୁଚର୍ଚ୍ଚିତ ଗଣହତ୍ୟା ମାମଲାର ପର୍ଦାଫାଶ କଲେ ଗଞ୍ଜାମ ଏସପି ବ୍ରିଜେଶ ରାୟ ।


ଗତ ୨୨ ତାରିଖ ରାତି ରେ ପିତଳ ଛକ ଠାରେ ଗୋଟିଏ ଦମ୍ପତି ଛିଡା ହୋଇଥିବା ବେଳେ ଅଭିଯୁକ୍ତ ସାଧୁ ସ୍ୱାଇଁ ସେମାନ ଙ୍କ ସହ ଅସଦାଚରଣ କରିଥିଲା l ଏହାକୁ ପ୍ରତିବାଦ କରିଥିଲେ ମୃତ ଶମ୍ଭୁ ସ୍ୱାଇଁ ଓ ତାଙ୍କ ତିନି ଭାଇ ।

ଫଳରେ ଉଭୟ ଙ୍କ ମଧ୍ୟରେ ବଚସା ହୋଇଥିଲା l ଘଟଣା ସ୍ଥଳରୁ ସାଧୁ ନିଜ ଗ୍ରାମ ରାମଚନ୍ଦ୍ରପୁରକୁ ଯାଇ ବାହାନପତି, ବଳିଆ, ଚିତ୍ର ଓ ସନ୍ତୋଷ ସ୍ୱାଇଁ ଙ୍କ ସମେତ ଅନ୍ୟ ଜଣେ ଯୁବକ ଙ୍କ ସହିତ ମରଣାସ୍ତ୍ର ନେଇ ଶମ୍ଭୁ,ରାଜ, ପାଣ୍ଡଵ ଓ ଚନ୍ଦନ ସ୍ୱାଇଁ ଙ୍କ ଉପରେ ଅତି ନୃଶଂସ ଭାବେ ଆକ୍ରମଣ କାରି ଘଟଣା ସ୍ଥଳରୁ ଫେରାର ହୋଇଯାଇଥିବା ସୂଚନା ଦେଇଛନ୍ତି ଏସପି l

ଅନ୍ୟପଟେ ଘଟଣା ରେ ସମ୍ପୂକ୍ତ ୫ ଜଣ ଅଭିଯୁକ୍ତ ଙ୍କୁ ପୋଲିସ ଗିରଫ କରିବା ରେ ସଫଳ ହୋଇଥିବା ବେଳେ ଅନ୍ୟଜଣେ ଅଭିଯୁକ୍ତ ବର୍ତ୍ତମାନ ସୁଦ୍ଧା ଫେରା ରହିଛି l

ସେପଟେ ହତ୍ୟାକାଣ୍ଡ ରେ ବ୍ୟବହୃତ ବହୁ ମରଣାସ୍ତ୍ର ସହିତ ଦୁଇଟି ସ୍କୁଟି କୁ ଜବତ କରି ତଦନ୍ତ ଜାରି ରହିଥିବା ସୂଚନା ଦେଇଛନ୍ତି ଏସପି ବ୍ରିଜେଶ ରାୟ l


