ଅନୁଗୋଳ,୧୮/୧୨/୨୧ (ଜିଲ୍ଲା ଖବର ) : ଅନୁଗୋଳ ଜିଲ୍ଲା କଣିହାଁ ଡେରେଙ୍ଗ ଦେହୁରୀସାହିରେ ବର୍ବରତା । ମା-ପୁଅକୁ ନିଆଁ ଲଗାଇ ହତ୍ୟା ଉଦ୍ୟମ କରାଯାଇଥିବା ଅଭିଯୋଗ ହୋଇଛି । ଘଟଣାରେ ଗ୍ରାମର ଯୁଧିଷ୍ଠିର ସାହୁଙ୍କୁ ପୋଲିସ୍ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି ।
ଦେହୁରୀସାହିର ଚଞ୍ଚଳା ବେହେରା ଓ ତାଙ୍କ ପୁଅ ମାମୁଲା ଘରେ ଶୋଇଥିଲେ । ଏତିକିବେଳେ ଅଭିଯୁକ୍ତ ଯୁଧିଷ୍ଟିର ବାହାର ପଟୁ କବାଟ ବନ୍ଦ କରି, କିରୋସିନ ଢାଳି ନିଆଁ ଲଗାଇ ଚମ୍ପଟ୍ ମାରିଥିଲା । ଏନେଇ ଚଞ୍ଚଳା ପୋଲିସକୁ ଚିକିତ୍ସିତ ଅବସ୍ଥାରେ ବୟାନ ଦେଇଛନ୍ତି।
ଘଟଣା ଘଟିବାର ଠିକ୍ ୭ଦିନ ତଳୁ ଅଭିଯୁକ୍ତ ଯୁଧିଷ୍ଠିର ଚଞ୍ଚଳାକୁ ଜୀବନରେ ମାରିଦେବାକୁ ଧମକ ଦେଇଥିଲା । ଚଞ୍ଚଳା ଅଭିଯୁକ୍ତ ପାଖରୁ ୮ହଜାର ଟଙ୍କା ଧାର ଆଣିଥିଲେ ଓ ସେହି ଟଙ୍କାକୁ ଚଞ୍ଚଳା ପରିଶୋଧ କରିଥିଲେ । କିନ୍ତୁ ଅଭିଯୁକ୍ତ ଯୁଧିଷ୍ଟିର ସେହି ଟଙ୍କାଙ୍କୁ ପୁଣି ଫେରାଇବାକୁ କହିଥିଲା। ଯାହାକୁ ନେଇ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ପରେ ଯୁଧିଷ୍ଠିର ନିଆଁ ଲଗାଇ ଦେଇଥିବା ଅଭିଯୋଗ ହୋଇଛି।