ମୁମ୍ବାଇ,୨୯/୧୧/୨୧ (ଜିଲ୍ଲା ଖବର ) : ନିକଟରେ ବଲିଉଡ ଅଭିନେତା ସଲମାନ୍ ଖାନଙ୍କ ଫିଲ୍ମ’ ଅନ୍ତିମ: ଦ ଫାଇନାଲ ଟ୍ରୁଥ୍’ ରିଲିଜ୍ ହେବା ପରେ, ତାଙ୍କ ପ୍ରଶଂସକଙ୍କ ଖୁସି କହିଲେ ନସରେ । ହଲରେ ଦର୍ଶକଙ୍କ ନାହିଁ ନଥିବା ଭିଡ ଜମୁଛି । ତେବେ ଏହି ଖୁସିରେ ତାଙ୍କର ପ୍ରଶଂସକମାନେ କେଉଁଠି ହଲରେ ବାଣ ଫୁଟାଉଛନ୍ତି ତ, ପୁଣି କେଉଁଠି ବାଜା ବଜାଇ ମତୁଆଲା ହେଉଛନ୍ତି । କେବଳ ଏତିକି ନୁହେଁ , ଆଉ କେଉଁଠି ଫିଲ୍ମର ପୋଷ୍ଟର ଉପରେ କ୍ଷୀର ଢଳା ଯାଉଥିବାର ଚିତ୍ର ମଧ୍ୟ ସାମ୍ନାକୁ ଆସିଛି । ଏସବୁ ଦେଖିବା ପରେ ସଲମାନ୍ ଖାନ୍ ଏପରି କରିବାକୁ ବାରଣ କରିଛନ୍ତି ।
ତେବେ ସଲମାନ୍ ଖାନ୍ ଏମିତି ଏକ ଭିଡିଓକୁ ତାଙ୍କ ଇନଷ୍ଟାଗ୍ରାମରେ ସେୟାର କରି, କ୍ଷୀର ନଢାଳିବାକୁ ଅନୁରୋଧ କରିଛନ୍ତି । ସେ କହିଛନ୍ତି ଯେ, ଅନେକ ଲୋକଙ୍କ ଭାଗ୍ୟରେ ପାଣି ପିଇବାର ସୌଭାଗ୍ୟ ଜୁଟୁନି । ଆଉ ଆପଣ ମାନେ ଏମିତି କ୍ଷୀର ନଷ୍ଟ କରୁଛନ୍ତି। ଏହା ସହିତ ସେ କ୍ଷୀରକୁ ଏପରି ନଢାଳି, ଗରିବ ପିଲାଙ୍କୁ ସେହି କ୍ଷୀର ଦେବାକୁ ଅନୁରୋଧ କରିଛନ୍ତି ।