କଟକ,୧୮/୧୧/୨୧ (ଜିଲ୍ଲା ଖବର) : ପୋଖରୀରେ ବୁଡି ମାଆ, ପୁଅ ମୃତ । କଟକ ଜିଲ୍ଲା ନିଆଳିର କୃଷ୍ଣପ୍ରସାଦ ପଞ୍ଚାୟତ ଅନ୍ତର୍ଗତ ପୁରୁଣାସାତଙ୍ଗ ଗାଁରେ ଘଟିଛି ଏଭଳି ଦୁଃଖ ଘଟଣା । ପୋଖରୀରେ ଗାଧୋଉ ଥିବାବେଳେ ମା’ ଓ ପୁଅ ବୁଡ଼ିଯାଇଥିବା ଜଣାପଡିଛି ।
ମୃତକ ହେଲେ ମା’ ରିତା ମିଶ୍ର ଓ ପୁଅ ପ୍ରଭୁ ମିଶ୍ର । ରିତାଙ୍କ ବୟସ ୨୭ ବର୍ଷ ହୋଇଥିବା ବେଳେ ପୁଅକୁ ୭ବର୍ଷ ହୋଇଥିବା ଜଣାଯାଇଛି । କାକଟପୁର ଭେଡ଼ାବନ୍ଧରେ ରିତାଙ୍କ ଶ୍ୱଶୁର ଘର । ସାଙ୍ଗରେ ପୁଅକୁ ନେଇ ସେ ବାପ ଘର ପୁରୁଣା ସାତଙ୍ଗକୁ ବୁଲିବାକୁ ଆସିଥିଲେ ।
ଆଜି ସକାଳେ ପୋଖରୀରେ ଗାଧୋଉଥିବାବେଳେ ବୁଡିଯାଇଥିଲେ । ଏନେଇ ଗ୍ରାମବସୀ ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଭୟଙ୍କ ମୃତଦେହ ଉଦ୍ଧାର କରିଥିଲେ। ପୋଲିସ ଘଟଣାର ତଦନ୍ତ କରୁଥିବାବେଳ ଗାଁ ଶୋକାକୂଳ ପରିସ୍ଥିତି ସୃଷ୍ଟି ହୋଇଛି ।