ଖୋର୍ଦ୍ଧା,୦୩/୧୧/୨୧(ଜିଲ୍ଲା ଖବର) :ଇଷ୍ଟ କୋଷ୍ଟ ରେଲୱେ ସ୍ପୋର୍ଟସ୍ ଆସୋସିଏସନ୍ (ECORSA), ଖୋର୍ଦ୍ଧା ରୋଡ୍ ଦ୍ୱାରା ଚାଲିଥିବା “ଇନଡୋର ଗେମ୍ସ -2021” ସମାପ୍ତ ହୋଇଛି | 12 ସେପ୍ଟେମ୍ବର 2021 ରେ ଇନଡୋର ଗେମ୍ସ -2021 ଆରମ୍ଭ ହୋଇଥିଲା। ଖୋର୍ଦ୍ଧା ରୋଡ୍ ମଣ୍ଡଳ ରେଳ କର୍ମଚାରୀଙ୍କ ପାଇଁ ଏବଂ ତାଙ୍କ ପିଲା ମାନଙ୍କୁ ପାଇଁ ECORSA ଦ୍ୱାରା ଏହି ଖେଳଗୁଡିକ ଆୟୋଜିତ ହୋଇଥିଲା, ଯାହାର ଉଦ୍ଦେଶ୍ୟ ହେଉଛି ସମସ୍ତଙ୍କୁ ଶାରୀରିକ ସୁସ୍ଥ ରହିବା ଏବଂ ଦୈନଦିନ ଅନେକ କାରଣରୁ ସୃଷ୍ଟି ହେଉଥିବା ମାନସିକ ଚାପରୁ ଦୂରେଇ ରଖିବା |
ଏହି କାର୍ଯ୍ୟକ୍ରମରେ ବହୁ ସଂଖ୍ୟକ ରେଳ କର୍ମଚାରୀ ଏବଂ ତାଙ୍କ ସନ୍ତାନ ମାନେ ଅଂଶଗ୍ରହଣ କରିଥିଲେ। ଚେସ୍, କାରୋମ୍, ବ୍ୟାଡମିଣ୍ଟନ୍ ଏବଂ ଟେବୁଲ୍ ଟେନିସ୍ ଭଳି ବିଭିନ୍ନ ପ୍ରକାରର ଇନଡୋର ଖେଳ ସପ୍ତାହ ଶେଷରେ ଅନୁଷ୍ଠିତ ହୋଇଥିଲା | ଚେସରେ 65 ଜଣ, କାରୋମରେ 78 ଜଣ, ବ୍ୟାଡମିଣ୍ଟନରେ 176 ଜଣ ଏବଂ ଟେବୁଲ୍ ଟେନିସରେ 20 ଜଣ ଅଂଶଗ୍ରହଣ କରିଥିଲେ। ପ୍ରତ୍ୟେକ ପ୍ରତିଯୋଗିତାର ବିଜେତା ଏବଂ ରନର୍ସ ଅପ୍ ଙ୍କୁ ପ୍ରତ୍ୟେକ ଖେଳ ସମାପ୍ତ ହେବା ପରେ ଟ୍ରଫି ପ୍ରଦାନ କରାଯାଇଥିଲା |
ଏହି ସମୟ ମଧ୍ୟରେ ଅନ୍ୟାନ୍ୟ କାର୍ଯ୍ୟକଳାପ ଯେପରି ବୃକ୍ଷରୋପଣ, ଅଧିକାରୀଙ୍କ ପାଇଁ ପ୍ରଦର୍ଶନୀ ମ୍ୟାଚ୍, ECORSA ର ପୂର୍ବତନ ଫୁଟବଲ୍ ସଚିବ ସ୍ବର୍ଗତ ଶିବ ପ୍ରସାଦ ଦାସଙ୍କ ସ୍ମୃତିରେ 9 ଜଣିଆ ଫୁଟବଲ୍ ଟୁର୍ନାମେଣ୍ଟ (ପ୍ରତ୍ୟେକ ଦଳରେ 9 ଖେଳାଳିଙ୍କ ସହ) ଏବଂ ECORSA ଏବଂ ଓଡିଶା ଫୁଟବଲ୍ ଆସୋସିଏସନ୍ ମଧ୍ୟରେ ଏକ ଫୁଟବଲ୍ ମ୍ୟାଚ୍ ଇତ୍ୟାଦି ସଂଗଠିତ ହୋଇଥିଲା l ଖୋର୍ଦ୍ଧା ରୋଡ଼ ମଣ୍ଡଳ ରେଳ ପ୍ରବନ୍ଧକ ଶ୍ରୀ ରିଙ୍କେଶ ରୟ, କର୍ମଚାରୀ ଏବଂ ସେମାନଙ୍କ ପରିବାର ପାଇଁ ଏହି ପ୍ରକାରର ଶାରୀରିକ ଏବଂ ମାନସିକ କାର୍ଯ୍ୟକଳାପ କରିବା ପାଇଁ ସ୍ପୋର୍ଟସ ଆସୋସିଏସନର ସମସ୍ତ ସଦସ୍ୟଙ୍କୁ ଅଭିନନ୍ଦନ ଜଣାଇଛନ୍ତି। ଇନଡୋର ଗେମ୍ସ -2021 ଖୋର୍ଦ୍ଧା ରୋଡ଼ ରେଳ ମଣ୍ଡଳର କ୍ରୀଡା ଅଧିକାରୀ ତଥା ବରିଷ୍ଠ ମଣ୍ଡଳ ବାଣିଜ୍ୟ ପ୍ରବନ୍ଧକ ଶ୍ରୀ ଅମିତେଶ ଆନନ୍ଦଙ୍କ ନେତୃତ୍ୱ ତଥା ନିର୍ଦ୍ଦେଶନାରେ ପରିଚାଳିତ ହୋଇଛି | ସମସ୍ତ ଟୁର୍ନାମେଣ୍ଟ ଏବଂ କାର୍ଯ୍ୟକ୍ରମ ଗୁଡ଼ିକ, କ୍ରୀଡ଼ା ସଚିବ ଏମ ଡି.ଜାକିରୁଦ୍ଦିନ ଏବଂ ଖୋର୍ଦ୍ଧା ରୋଡ଼, କ୍ରୀଡ଼ା ସଙ୍ଗଠନର ସଦସ୍ୟ ମାନେ ସଂଯୋଜନା କରିଥିଲେ।
ରୀପୋର୍ଟ :ସଞ୍ଜୀବ କୁମାର