ଜଟଣୀ ,୨୯/୧୦/୨୧(ଜିଲ୍ଲା ଖବର)- ସ୍ଥାନୀୟ ରେଳବାଇ ଅଞ୍ଚଳରେ ବହୁ ଭୂମିହୀନ ଗରିବ ଝୁପୁଡି ବାସୀଙ୍କ ଅବସ୍ଥା ବର୍ତ୍ତମାନ ଶୋଚନୀୟ ହେବାଳୁ ବସିଲାଣି l ଦୀର୍ଘ ୪୦ରୁ ୫୦ ବର୍ଷ ଧରି ଜଟଣୀ ପୌରପରିଷଦ ଅନ୍ତର୍ଗତ ରେଳବାଇ କଲୋନୀ ଅଞ୍ଚଳରେ ୧ ହଜାର ଭୂମିହୀନ ପରିବାର ଝୁପୁଡିଘର କରି ରହି ଆସୁଛନ୍ତି l ବର୍ତ୍ତମାନ ରେଳ ପ୍ରଶାସନ ନିଜର ଉନ୍ନତି ମୂଳକ କାର୍ଯ୍ୟପାଇଁ ଝିପୁଡ଼ି ଉଛେଦ ଜାରିରଖିଛି l ଆଉ କେତକ ଅଳ୍ପ ଝୁପୁଡି ଅଛି ତାହାକୁ ଉଛେଦ ପାଇଁ ରେଳ କତୃପକ୍ଷ ନୋଟିସ ଜାରି କରିଛନ୍ତି l ଏଭଳି ପରିସ୍ଥିତିରେ ସେହି ପରିବାର ଗୁଡିକ ଘର ଭାଙ୍ଗିଯିବାର ଭୟ ନେଇ ଏକ ପ୍ରକାର ଆତଙ୍କିତ ଅବସ୍ଥାରେ ଅଛନ୍ତି l ଘର ଭାଙ୍ଗିଗଲେ ଯିବେ କୁଆଡେ l ପ୍ରାଇଭେଟ ଘର ହଜାର ହଜାର ଟଙ୍କା ଭଡା ଦେଇ ରହିବାର ସକ୍ଷମ ତାଙ୍କର ନାହିଁ l ଯାହା ରୋଜଗାର କରୁଛନ୍ତି ତାହା ପରିବାର ପୋଷଣରେ କଷ୍ଟକର ହୋଇପଡୁଛି l ବର୍ତ୍ତମାନ ପରିସ୍ଥିତିରେ ଭୂମିହୀନ ଗରିବ ଝୁପୁଡି ବାସୀଙ୍କ ଗୁହାରୀ ଶୁଣିବାକୁ କୌଣସି ନେତା ନାହାନ୍ତି l ପ୍ରତ୍ୟକ ରାଜନୈତିକ ଦଳର ତୁଙ୍ଗ ନେତା ହାତଛଡା ଦେଇଛନ୍ତି l ନିର୍ବାଚନ ସମୟ ଆସିଲେ ମାଳମାଳା ନେତା ଦେଖିବାକୁ ମିଳେ l ନିର୍ବାଚନ ସରିଲାପରେ ତୁମେ କିଏ ନା ମୁଁ କିଏ l ଆଗକୁ ପୌର ନିର୍ବାଚନଥିବାରୁ ବର୍ତ୍ତମାନ ଠାରୁ ପ୍ରତ୍ୟକ ଦଳର ଆଶାଇ କୁଜି ନେତାଙ୍କ ଆଗଭର ଦେଖୁବାକୁ ମିଳିଲାଣି l ଜଟଣୀର ପ୍ରତ୍ୟକ ରାଜନୈତିକ ଦଳର କୁଜି ନେତା ନିଜର ସ୍ୱାର୍ଥ ହାସଲ ପାଇଁ ପ୍ରକୃତ ଗରିବଙ୍କ ସରକାରୀ ସୁବିଧା ଗୁଡିକୁ ନିଜେ ହାତେଇ ନେଇଛନ୍ତି l ଅନେକ କୁଜିନେତା ନିଜର ପିତୃପୁରୁଷ ଅର୍ଜିତ ସମ୍ପତ୍ତିଥାଇ ସରକାରୀ ଜମି ମାଡି ବସି ସେହି ଜାଗାକୁ ଲକ୍ଷ ଲକ୍ଷ ଟଙ୍କାରେ ଜନସାଧାରଣଙ୍କୁ ବିକ୍ରି କରୁଛନ୍ତି l କିନ୍ତୁ ଏହି ଗରିବ ଭୂମିହୀନଙ୍କ ପାଇଁ ମୁଣ୍ଡ ଗୁଞ୍ଜିବା ପାଇଁ ଜମି ଦେବାକୁ ସରକାରଙ୍କ ପାଖରେ ଜାଗା ନାହିଁ l କଥାରେ ଅଛି ତେଲିଆ ମୁଣ୍ଡରେ ତେଲ l ସର୍ବଶେଷରେ ଏହି ଭୂମିହୀନ ପରିବାରଙ୍କ କଷ୍ଟ ସହିନପାରି ସାହାଯ୍ୟର ହାତବଢ଼ାଇଛନ୍ତି ଜଟଣୀର ଏକ ଅଗ୍ରଣୀ ସାମାଜିକ ଅନୁଷ୍ଠାନ ମହାତ୍ମାଗାନ୍ଧୀ ଓ ଲାଲବାହାଦୁର ସ୍ମୃତି କମିଟି l ଏହି ପରିବାର ଗୁଡିକର ଜରୁରୀ ଥଇଥାନ ନେଇ ସ୍ମୃତି କମିଟି ଗତ ତା -୦୮/୧୦/୨୧-ରିଖ ଦିନ ଜଟଣୀ ପୌରପରିଷଦ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେଇଥିଲେ l ଏଥିରେ ପୌରାଧିକାରୀ ଉପରୋକ୍ତ ସମସ୍ୟାର ସମାଧାନ ପାଇଁ ତା ୧୧/୧୦/୨୧-ରିଖ ଦିନ ସ୍ମୃତି କମିଟି ଓ ଝିପୁଡ଼ି ବାସୀଙ୍କ ମଧ୍ୟରୁ ଏକ ପ୍ରତିନିଧି ଦଳକୁ ନେଇ ଜିଲ୍ଲାପାଳ ଖୋର୍ଦ୍ଧାଙ୍କ ସହ ଆଲୋଚନା ପରେ ଯଥା ଶୀଘ୍ର ଭିମିହୀନ ପରିବାରଙ୍କୁ ଥଇଥାନ କରିବା ପାଇଁ ପୌରାଧିକାରଙ୍କୁ ବାଛରା ମୁଣ୍ଡିଆ ଓ ସିଆଇଟି ନିକଟରେ ଥିବା ଖାଲି ଜାଗାରେ ଥଇଥାନ କରିବାପାଇଁ ତହସିଲଦାରଙ୍କ ଯୋଗାଯୋଗ ନେଇ କାର୍ଯ୍ୟ ସମ୍ପାଦନ ପାଇଁ ନିର୍ଦ୍ଧେଶ ଦେଇଥିଲେ l ତହସିଲଦାର ଏହି ଥଇଥାନ ବ୍ୟବସ୍ଥାକୁ ସମ୍ପାଦନ କରିବାପାଇଁ ସ୍ମୃତି କମିଟି ଉପସ୍ଥିତିରେ ଦୁଇ ମାସ ଅବଧିର ସମୟ ଝୁପୁଡି ବାସୀଙ୍କୁ ପ୍ରତିଶୃତି ଦେଇଥିଲେ l ଦେଖିବାକୁ ଗଲେ କିଛି ଜମି ଦଲାଲ ଏବଂ ସ୍ଥାନୀୟ କୁଜିନେତା ମିଶି ବାଛରା ମୁଣ୍ଡିଆର ପାଦଦେଶକୁ ସାମନ୍ତର କରି ପ୍ଲଟିଙ୍ଗ କରି ଲକ୍ଷ ଲକ୍ଷ ଟଙ୍କାରେ ବିକ୍ରି କରୁଥିବା ବିଶେଷସୂତ୍ରରୁ ପ୍ରକାଶ l ତେଣୁ ନିଷ୍ପେସିତ ଝୁପୁଡି ବାସି ନିଜେ ନିଜର ହକ ପାଇଁ ପାରୁ ପର୍ଯ୍ୟନ୍ତ ସଂଗ୍ରାମ ଜାରି ରଖିବେ ବୋଲି ନିଜର ମତବ୍ୟକ୍ତ କରିଛନ୍ତି l ଝୁପୁଡି ବାସି ପଣ କରିଛନ୍ତି ପ୍ରତ୍ୟକ ସୋମବାର ଏକତ୍ରିତ ହୋଇ ତହସିଲ କାର୍ଯ୍ୟାଳୟ ଯାଇ ତହସିଲଦାର ଦେଇଥିବା ପ୍ରତିଶୃତି କେତେ ପର୍ଯ୍ୟନ୍ତ କାର୍ଯ୍ୟକାରୀ ସମ୍ବଧୀୟ ସୂଚନା ପ୍ରାପ୍ତ କରିବେ l ବୁଦ୍ଧିଜୀବୀଙ୍କ ମତରେ ଜଟଣୀରେ ଚାଲିଛି ଏକ କୁତ୍ସିତ ରାଜନୀତି l ବର୍ତ୍ତମାନ ଜଟଣୀ ବାସି ଏକ ପରୋପକାରୀ ଏବଂ ସମସ୍ତ ଗରିବଙ୍କ ହିତ ପାଇଁ ତୃତୀୟ ସମ୍ମୁଖ୍ୟ ଦଳରୁପେ ଆବିର୍ଭାବର ବିଶ୍ୱାସ ରଖିଛନ୍ତି l
ରୀପୋର୍ଟ :-ଖୋର୍ଦ୍ଧା ଜିଲ୍ଲା ସଞ୍ଜୀବ କୁମାର
