ବ୍ରହ୍ମପୁର,୨୮/୧୦/୨୧ (ଜିଲ୍ଲା ଖବର) : ଫାଦର ଅଫ ଜୁଡୋ ପ୍ରଫେସର କାନୋ ଜିଗୋରୋଙ୍କୁ ଗୁଗୁଲର ସମ୍ମାନ । ଆଜି ତାଙ୍କର 161 ତମ ଜନ୍ମଦିନରେ ଡୁଡଲ ଶ୍ରଦ୍ଧାଞ୍ଜଳି ଅର୍ପଣ କରିଛି । ଡୁଡଲ୍ ର ଏକାଧିକ ସ୍ଲାଇଡରେ କାନୋଙ୍କ ଜୀବନ ଏବଂ ଫ୍ରେମ୍ କ୍ରମରେ କାର୍ଯ୍ୟ କରିବା ପାଇଁ ଆନିମେସନ୍ ହୋଇଛି । ଯେଉଁଠାରେ ସେ ତାଙ୍କ ଛାତ୍ରମାନଙ୍କୁ ମାର୍ଶଲ ଆର୍ଟରେ ମାଷ୍ଟର କରିବାରେ ସାହାଯ୍ୟ କରୁଛନ୍ତି ।
1860 ମସିହାରେ ମାଇକେଜରେ ଜନ୍ମଗ୍ରହଣ କରିଥିଲେ କାନୋ । ପରେ 11 ବର୍ଷ ବୟସରେ ସେ ତାଙ୍କ ପିତାଙ୍କ ସହ ଟୋକିଓ ଯାଇଥିଲେ । ପିଲାବେଳୁ ଜୁଜୁସୁ ଗେମ ପ୍ରତି ତାଙ୍କର ଦୁର୍ବଳତା ରହିଥିଲା । ଯାହାକୁ ସେ ଟୋକିଓ ୟୁନିଭରସିଟିରେ ପୁରା କରିପାରିଥିଲେ । ଛାତ୍ର ଥିବା ସମୟରେ ଜୁଜୁସୁ ମାଷ୍ଟର ଏବଂ ପୂର୍ବତନ ସାମୁରାଇ ଫୁକୁଡା ହାଚିନୋସୁକେ ଙ୍କ ସହ ତାଙ୍କର ଦେଖା ହୋଇଥିଲା । ଯାହାଙ୍କ ଠାରୁ ଜୁଜୁସୁ ଶିଖିବା ଆରମ୍ଭ କରିଥିଲେ ।
ଜୁଡୋ ପ୍ରଥମେ ଏକ ଜୁଜୁସୁ ସ୍ପାର୍ଙ୍ଗ ମ୍ୟାଚ୍ ସମୟରେ ଆରମ୍ଭ ହୋଇଥିଲା । ଜୁଜୁସୁରେ ବ୍ୟବହୃତ ସବୁଠାରୁ ବିପଜ୍ଜନକ କୌଶଳକୁ ହଟାଇ ପାଇଁ “ଜୁଡୋ”ର ଆରମ୍ଭ କରିଥିଲେ ।
1882 ମସିହାରେ କାନୋ ଟୋକିଓରେ କୋଡୋକାନ୍ ଜୁଡୋ ଇନଷ୍ଟିଚ୍ୟୁଟ୍ ନିଜର ଏକ ଡୋଜୋ (ମାର୍ଶଲ୍ ଆର୍ଟ ଜିମ୍) ଖୋଲିଥିଲେ, ଯେଉଁଠାରେ ସେ ବର୍ଷ ବର୍ଷ ଧରି ଜୁଡୋ ବିକାଶ କରିବାକୁ ଯାଉଥିଲେ ।
ଏହାପରେ 1893 ମସିହାରେ ମହିଳାମାନେ ମଧ୍ୟ ଏହି କ୍ରୀଡାରେ ଯୋଗଦାନ କରିଥିଲେ । ଯେଉଁମାନଙ୍କୁ ଖୁବ ପ୍ରଶିକ୍ଷଣ ଦେଉଥିଲେ କାନୋ । ତାଙ୍କ ଜୀବନୀ ଯେତିକି ପ୍ରେରଣାଦାୟୀ ସେତିକି ଉତ୍ସାହ ଜନକ । ତାଙ୍କ ଜୀବନ କାଳରେ ଅନେକ ଛାତ୍ରଛାତ୍ରୀଙ୍କୁ ସେ ପ୍ରଶିକ୍ଷଣ ଦେଇଛନ୍ତି । ଯେଉଁଥିପାଇଁ ତାଙ୍କୁ ଫାଦର ଅଫ ଜୁଡୋର ଆକ୍ଷା ଦିଆଯାଇଥିଲା ।