୨୩/୧୦/୨୧ (ଜିଲ୍ଲା ଖବର) : ମମିତା ମେହେର ହତ୍ୟା ମାମଲାରେ ଟ୍ୱିଟ୍ କରି ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ଟାର୍ଗେଟ କଲେ ବିରୋଧୀ ଦଳ ନେତା ପ୍ରଦୀପ୍ତ ନାୟକ । ମହାଲିଙ୍ଗି କଲେଜ ହେଉଛି ଗୃହରାଷ୍ଟ୍ରମନ୍ତ୍ରୀଙ୍କ ଜୀବନ ଆଉ ଗୋବିନ୍ଦ ସାହୁ ବିନ୍ଧାଣି । ବର୍ଷ ବର୍ଷ ଧରି କଲେଜରେ ଅନୈତିକ କାର୍ଯ୍ୟ ଚାଲୁଥିଲା । ଛାତ୍ରୀମାନଙ୍କର ଶାରିରୀକ ଶୋଷଣ ହେଉଥିଲା । ଗୃହରାଷ୍ଟ୍ରମନ୍ତ୍ରୀ ତାଙ୍କ ଜୀବନ ହେଉଥିବା କଲେଜକୁ ବରାବର ଯାଉଥିଲେ ଏବଂ ରାତ୍ରି ଯାପନ କରୁଥିଲେ ।
କିନ୍ତୁ କଲେଜରେ କଣ ସବୁ ଚାଲୁଥିଲା ମନ୍ତ୍ରୀ କିପରି ଜାଣିପାରୁ ନଥିଲେ ବୋଲି ପ୍ରଶ୍ନ କରିଛନ୍ତି ପ୍ରଦୀପ୍ତ ନାୟକ । ଜଣେ ଗୃହମନ୍ତ୍ରୀ ଗୋଟିଏ ସ୍ଥାନକୁ ବାରମ୍ବାର ଯାଉଥିଲେ କିନ୍ତୁ ସେ ଜାଗାର କେଳେଙ୍କାରି ବିଷୟରେ ପୋଲିସର ଇଣ୍ଟେଲିଜେନ୍ସ ଏଜେନ୍ସି ପାଖରେ କିପରି ଖବର ନଥିଲା ?
ଏହାସହ ସେ ଏହା ମଧ୍ୟ କହିଛନ୍ତି, ଏହା ଅସମ୍ଭବ , ଗୃହ ରାଷ୍ଟ୍ରମନ୍ତ୍ରୀ ଜାଣିଶୁଣି ଅନୈତିକ କାର୍ଯ୍ୟକଳାପରେ ଲିପ୍ତ ହେବା ପାଇଁ ହିଁ କଲେଜକୁ ଯାଉଥିଲେ ।
ନିରପେକ୍ଷ ତଦନ୍ତ ପାଇଁ ତୁରନ୍ତ ଗୃହ ରାଷ୍ଟ୍ରମନ୍ତ୍ରୀଙ୍କୁ ମନ୍ତ୍ରୀ ମଣ୍ଡଳରୁ ବହିସ୍କାର କରିବା ସହ ତଦନ୍ତ ପରିସରଭୁକ୍ତ କରାଯିବା ଦରକାର ।