ମୁମ୍ବାଇ, ୦୯/୧୦/୨୧ (ଜିଲ୍ଲା ଖବର) : ଶେଷରେ ସତ ଓଗାଳିଲେ ଆର୍ଯ୍ୟନ୍ ଖାନ୍ । ଚରସ ସେବନ କରିଥିବା କଥା ମାନିଲେ ଆର୍ଯ୍ୟନ୍ । ଏନସିବି ଅଧିକାରୀଙ୍କ ସମ୍ମୁଖରେ ଚରସ ସେବନ କରିଥିବା ସ୍ବୀକାର କଲେ । ଏନେଇ ଏନସିବି ରିପୋର୍ଟରେ ସ୍ପଷ୍ଟ କରା ଯାଇଛି । ତାଙ୍କର ବନ୍ଧୁ ଅରବାଜ୍ ମର୍ଚାଣ୍ଟ ଜୋତାରେ ୬ ଗ୍ରାମ୍ ଚରସ ଲୁଚାଇ ରଖିଥିଲେ । ଯିଏକି ସେହି କ୍ରୁଜ୍ ପାର୍ଟିରେ ଲିପ୍ତ ଥିଲେ ।
ମୁମ୍ବାଇ ସମୁନ୍ଦ୍ରରେ ଅକ୍ଟୋବର ୨ ତାରିଖ ରାତିରେ ଚାଲିଥିବା ରେଭ୍ ପାର୍ଟିରେ ଚଢାଉ କରିଥିଲା ଏନସିବି । ଏହାପରେ ଅନେକ ଗୁରୁତ୍ବପୂର୍ଣ୍ଣ ତଥ୍ୟ ସାମ୍ନାକୁ ଆସିଛି । ଯେତେବେଳେ ଏନସିବି ଅଧିକାରୀମାନେ ଅରବାଜ ଖାନଙ୍କୁ ପଚାରିଥିଲେ ଯେ, ତାଙ୍କ ପାଖରେ କୌଣସି ନିଶା ଅଛି ଅଛି କି ନାହିଁ । ସେତେବେଳେ ଜୋତାରେ ସେ ଡ୍ରଗ୍ସ ଲୁଚାଇ ରଖିଛନ୍ତି ବୋଲି କହିଥିଲେ ।
ଏହା ସହିତ ଅରବାଜ ଏହା ମଧ୍ୟ ସ୍ୱିକାର କରିଥିଲେ, ଯେ ସେ ଆର୍ଯ୍ୟନ୍ ଖାନଙ୍କ ସହ ଚରସ ନେଉଛନ୍ତି । ଯେତେବେଳେ ଏନସିବି ଅଧିକାରୀମାନେ ଆର୍ଯ୍ୟନ୍ ଖାନଙ୍କୁ ପଚାରିଲେ, ସେ ଏହା ମଧ୍ୟ ସ୍ୱୀକାର କରିଛନ୍ତି ଯେ ସେ ଚରସ ଖାଉଛନ୍ତି । କ୍ରୁଜ୍ ଯାତ୍ରା ସମୟରେ ଧୂମପାନ ପାଇଁ ଏହି ଚରସଗୁଡ଼ିକୁ ନେଇଥିଲେ ।