ବ୍ରହ୍ମପୁର, (ଗୁରୁ ପ୍ରସାଦ) : ବ୍ରହ୍ମପୁର ଅନ୍ତର୍ଗତ ଲୋଚପଡ଼ା ଗ୍ରାମ ପଞ୍ଚାୟତର ଲୋଚପଡ଼ା ଖଞ୍ଜିପଡିଆ ସାହିରେ ଚବିଶିପ୍ରହରି ନାମ ସଂକୀର୍ତ୍ତନ ଉଦଯାପିତ ହୋଇଥିଲା। ରାଧାକୃଷ୍ଣଙ୍କ ପାଇଁ ପୂଜା ମଣ୍ଡପ କରାଯାଇ ରୀତିନୀତି ଅନୁସାରେ ପୂଜା କରାଯାଇଥିଲା । କାର୍ତ୍ତିକପୂର୍ଣ୍ଣିମା (ମଙ୍ଗଳବାର) ଠାରୁ ଶୁକ୍ରବାର ପର୍ଯ୍ୟନ୍ତ ନାମଯଜ୍ଞ କରାଯାଇ ବହୁତ ଆଡମ୍ବର ସହ ପୂଜା ଶେଷ ହୋଇଥିଲା। ଗତ ତିନି ଦିନ ଧରି ସମସ୍ତ ଜନସାଧାରଣ ମାନଙ୍କୁ ପ୍ରସାଦ ବଣ୍ଟନ କରାଯାଇଥିଲା ଓ ପ୍ରାୟ ୩୦୦୦-୪୦୦୦ ଭକ୍ତ ପ୍ରସାଦ ସେବନ କରୁଥିଲେ । ଭସାଣି କାର୍ଯ୍ୟକ୍ରମରେ ଆଖପାଖ ଅଞ୍ଚଳର ବହୁ ଭକ୍ତ ଓ ଦର୍ଶକ ଆସିଥିବାରୁ ଗ୍ରାମରେ ଜନସମାଗମ ହୋଇଥିଲା। ଉକ୍ତ ଅଷ୍ଟପ୍ରହରି ନାମ ସଂକୀର୍ତ୍ତନ କାର୍ଯ୍ୟକ୍ରମରେ ଗ୍ରାମର ମିଟୁ ସାହୁ,ବିନୋଦ ସାହୁ,ବିଜୟ କୁମାର ସାହୁ,ବରୁଣ ସାହୁ, ଶଙ୍କର ବେହେରା,ଟୁନା ସାହୁ,କାମ୍ପ ସାହୁ, ମହେନ୍ଦ୍ର ସାହୁ ପ୍ରମୁଖଙ୍କ ସହ ସମସ୍ତ ଗ୍ରାମବାସୀ ସହଯୋଗ କରିଥିଲେ।
