ନୟାଗଡ, ୨୨/୦୯/୨୧ (ଜିଲ୍ଲା ଖବର) : ବିଳମ୍ବିତ ରାତିରେ ଛେଳି ଗୋଠ ଉପରେ ଚଢି ଗଲା ହାଇୱା I ହାଇୱା ଧକ୍କାରେ ଘଟଣାସ୍ଥଳରେ 100 ରୁ ଅଧିକ ଛେଳିଙ୍କ ମୃତ୍ୟୁ ହୋଇଛି I ନୟାଗଡ଼ ଜିଲ୍ଲା ଓଡ଼ଗାଁ – ବାହାଡାଝୋଲାରେ ଦେଖିବାକୁ ମିଳିଛି ଏଭଳି ଘଟଣା ।
ରାସ୍ତା ବାହାଡାପିଠା ନିକଟରେ ଗତକାଲି ରାତି ପ୍ରାୟ 12ଟା ସମୟରେ ରାସ୍ତାରେ ଛେଳିଗୋଠ ପାର ହେଉଥିବା ବେଳେ ଦ୍ରୁତ ଗତିରେ ଆସୁଥିବା ହାଇୱା ଟ୍ରକ ଛେଳି ଗୋଠ ଉପରେ ଚଢିଯାଇଥିଲା । ଫଳରେ ଘଟଣାସ୍ଥଳରେ 100 ରୁ ଅଧିକ ଛେଳି ମୃତ୍ୟୁବରଣ କରିଥିବା ବେଳେ ଅନେକ ଛେଳି ଆହତ ହୋଇଛନ୍ତି I
ରାତି ତମାମ ଉତ୍ତ୍ୟକ୍ତ ଲୋକେ ଦୁର୍ଘଟଣା ଘଟାଇଥିବା ହାଇୱାକୁ ଅଟକ ରଖିଥିବାବେଳେ ଘଟଣାସ୍ଥଳରେ ଓଡ଼ଗାଁ ପୋଲିସ ପହଂଚି ଘଟଣାର ତଦନ୍ତ ଚଳାଇଛି I ଅନ୍ୟପକ୍ଷେ ଏହି ଘଟଣାକୁ ନେଇ ଚାପା ଉତ୍ତେଜନା ଲାଗିରହିଛି I