ନୂଆଦିଲ୍ଲୀ ,୦୪/୦୯/୨୧ (ଜିଲ୍ଲା ଖବର) : ବଲିଉଡ ଅଭିନେତ୍ରୀ କଙ୍ଗନା ରଣାଓ୍ବତ ତାଙ୍କର ଅପକମିଙ୍ଗ୍ ଫିଲ୍ମ ‘ଥଲାଇବି’କୁ ନେଇ ବେଶ ଚର୍ଚ୍ଚାରେ ଅଛନ୍ତି । ଏହାକୁ ନେଇ ସେ ବେଶ ଉସ୍ବାହିତ ମଧ୍ୟ । ଏହି ଫିଲ୍ମଟି ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ଜୀବନୀ ଉପରେ ଆଧାରିତ । କଙ୍ଗନା ତାଙ୍କର ଏହି ଫିଲ୍ମ ରିଲିଜ୍ ହେବା ପୂର୍ବରୁ, ଚେନ୍ନାଇର Marina beach
ରେ ଯାଇ ପହଞ୍ଚିଛନ୍ତି । ଯେଉଁଠାରେ ଜୟଲଳିତାଙ୍କର ସ୍ମାରକ ପ୍ରସ୍ତୁତ ହୋଇଛି । କଙ୍ଗନା ସେଠାରେ ପହଞ୍ଚି ତାଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରି, ତାଙ୍କ ଆର୍ଶିବାଦ ନେଇଛନ୍ତି । ଏହାର ଚିତ୍ର ଏବେ ସୋସିଆଲ ମିଡିଆରେ ଦେଖିବାକୁ ମିଳୁଛି ।
ଏହି ଫିଲ୍ମର ଟ୍ରେଲର ଦେଖିବା ପରେ ଦର୍ଶକ ବେଶ ଉକ୍ବଣ୍ଠାର ସହ ଅପେକ୍ଷା କରିଛନ୍ତି ସମ୍ପୂର୍ଣ୍ଣ ଫିଲ୍ମ ଦେଖିବା ପାଇଁ । ଅନ୍ୟପଟେ ଏହି ଫିଲ୍ମ ପାଇଁ କଠିନ ପରିଶ୍ରମ କରିଛନ୍ତି କଙ୍ଗନା । ଏଥିପାଇଁ ସେ ନିଜର ଓଜନ ମଧ୍ୟ ବଢାଇଛନ୍ତି । ଆଉ ଏବେ ଏହାର ପ୍ରଚାର-ପ୍ରସାରରେ ଲାଗି ପଡିଛନ୍ତି କଙ୍ଗନା । ଫିଲ୍ମଟି ୧୦ ସେପ୍ଟେମ୍ବରରେ ସିନେମାଘରେ ରିଲିଜ୍ ହେବାକୁ ଯାଉଛି ।