Tuesday, November 17, 2026
Home ଆଞ୍ଚଳିକ ଆସୁଛି 2 ଟି ଲଘୁଚାପ, ନିଅଣ୍ଟିଆ ବର୍ଷାର କରିବ ଭରଣା

ଆସୁଛି 2 ଟି ଲଘୁଚାପ, ନିଅଣ୍ଟିଆ ବର୍ଷାର କରିବ ଭରଣା

3

୦୪/୦୯/୨୧ (ଜିଲ୍ଲା ଖବର) :  ନିଅଣ୍ଟିଆ ବର୍ଷାର ଭରଣା କରିବ ଲଘୁଚାପ । ଅଗଷ୍ଟ ମାସରେ ରାଜ୍ୟରେ ବର୍ଷାର ପରିମାଣ କମିବା ସାଙ୍ଗକୁ ଦେଖାଦେଇଛି ମରୁଡି ପରିସ୍ଥିତି । ଏହାରି ମଧ୍ୟରେ ଚଳିତ ମାସର ଆରମ୍ଭରୁ ଲଗାତାର 2 ଟି ଲଘୁଚାପ ଆସିବା ନେଇ ଆକଳନ କରିଛି ପାଣିପାଗ ବିଭାଗ ।

ପାଣିପାଗ ବିଶେଷଜ୍ଞଙ୍କ କହିବା ଅନୁଯାୟୀ ଆଜିଠୁ ଉତ୍ତର ବଙ୍ଗୋପସାଗର ଓ କେନ୍ଦ୍ରୀୟ ସଂଲଗ୍ନ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ ଯାହା ଆସନ୍ତା 5 ତାରିଖକୁ ଲଘୁଚାପର ରୂପ ନେଇ 6 ତାରିଖରେ ଓଡିଶା ଉପକୂଳ ଅତିକ୍ରମ କରିବ ।

ଫଳରେ ଦୁଇଦିନ ଧରି ରାଜ୍ୟବ୍ୟାପୀ ବର୍ଷା ହେବାର ସମ୍ଭାବନା ରହିଛି । ପରେ ସେପ୍ଟେମ୍ବର 11 ତାରିଖରେ ମଧ୍ୟ ଉତ୍ତର ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ ।  ଯାହା ପ୍ରଭାବରେ ରାଜ୍ୟରେ ପ୍ରବଳ ବର୍ଷାର ଆକଳନ କରାଯାଇଛି । ପରେ ଦୁଇ ଦୁଇଟି ଲଘୁଚାପ ପ୍ରଭାବରେ ସେପ୍ଟେମ୍ବର 3 ୟ ସପ୍ତାହ ଆଡକୁ ମୌସୁମୀ ସକ୍ରିୟ କାରଣରୁ ଭଲ ବର୍ଷା ହେବ, ଯାହା ଅଗଷ୍ଟ ମାସର ନିଅଣ୍ଟିଆ ବର୍ଷାର ଭରଣା ହେବ ବୋଲି ଆଶା ରହିଛି ।