Monday, November 16, 2026
Home ଆଞ୍ଚଳିକ ଜୀବନ ଯୁଦ୍ଧରେ ହାରିଗଲେ ଅଭିଷେକ, ଓଡିଶାବାସୀଙ୍କ ସାହାଯ୍ୟରେ ଚାଲିଥିଲା ଇକମୋ ଚିକିତ୍ସା

ଜୀବନ ଯୁଦ୍ଧରେ ହାରିଗଲେ ଅଭିଷେକ, ଓଡିଶାବାସୀଙ୍କ ସାହାଯ୍ୟରେ ଚାଲିଥିଲା ଇକମୋ ଚିକିତ୍ସା

5

୦୪/୦୯/୨୧ (ଜିଲ୍ଲା ଖବର) :  ଶେଷରେ ଜୀବନ  ଯୁଦ୍ଧରେ ହାରିଗଲେ  ଅଭିଷେକ ମହାପାତ୍ର  । 3 ମାସ ଧରି ହସପିଟାଲରେ ସଂଗ୍ରାମ କରିବା ପରେ ଆଖିବୁଜିଲେ ଭଦ୍ରକର ଅଭିଷେକ ମହାପାତ୍ର । ବାହାଘରର ଅଳ୍ପଦିନରେ କରୋନା ସଂକ୍ରମିତ ହୋଇଥିଲେ  । ଫୁସଫୁସ ପ୍ରଭାବିତ ହୋଇଥିବାରୁ ତାଙ୍କୁ ଇକମୋ ଚିକିତ୍ସା ପାଇଁ କୋଲକାତା ସ୍ଥାନାନ୍ତର କରାଯାଇଥିଲା । ସ୍ତ୍ରୀଙ୍କ ଆକୁଳ  ନିଦେନରେ ପୁରା ଓଡିଶାବାସୀ ସହଯୋଗର ହାତ ବଢାଇଥିଲେ ।

ମିଲାପ ଆପ୍ ମାଧ୍ୟମରେ ଆରମ୍ଭ ହୋଇଥିଲା ଫଣ୍ଡ ରେଜିଂ । ସେଲିବ୍ରିଟି ଠାରୁ ଆରମ୍ଭ କରି ସାଧାରଣ ଲୋକେ ସମସ୍ତେ ଅଭିଷେକଙ୍କ ପାଇଁ ଦୌଡି ଆସିଥିଲେ । ନିଜ ସାମର୍ଥ୍ୟ ଅନୁସାରେ  ଯିଏ ଯାହା ପାରିଲେ ଦାନ କରିଥିଲେ । ତା ପରେ ଇକମୋ ଚିକିତ୍ସା ପାଇଁ ଜୁନ 9 ରେ କୋଲକାତାକୁ ଏୟାରଲିଫ୍ଟ କରାଯାଇଥିଲା  ।

 ଗତକାଲି ରାତି ୧୦ଟା ୪୫ ବେଳକୁ ଅଭିଷେକଙ୍କର ମୃତ୍ୟୁ ହୋଇଥିବା ପରିବାର ଲୋକ ସୂଚନା ଦେଇଛନ୍ତି । ତେବେ ଡାକ୍ତରଙ୍କ ଉଦ୍ୟମ ଓ ସମସ୍ତଙ୍କ ସତ ଚେଷ୍ଟା ସତ୍ତ୍ୱେ ଆଖି ବୁଜିଛନ୍ତି ଭଦ୍ରକର ଯୁବଇଂଞ୍ଜନିୟର ଅଭିଷେକ ମହାପାତ୍ର ।