ଭୁବନେଶ୍ୱର, ୦୩/୦୯/୨୧ (ଜିଲ୍ଲା ଖବର) : କେନ୍ଦ୍ର ଜାରି କରିଥିବା ଡବଲ ଡୋଜ ଟୀକା ଗାଇଡ୍ ଲାଇନକୁ ନେଇ ଡିଏମଇଟି ସିବିକେ ମହାନ୍ତି ପ୍ରତିକ୍ରିୟା ରଖିଛନ୍ତି । କହିଛନ୍ତି, ସୁରକ୍ଷା ଦୃଷ୍ଟିରୁ ଡବଲ ଡୋଜ୍ ଟୀକା ନେବା ଆବଶ୍ୟକ । ଡେଥ୍ ଅଡିଟ୍ ଆମେ ପାଖାପାଖି ସାରି ଦେଇଛୁ । ଯାହା ଆସୁଛି ଆମେ ଜଣେଇବୁ ।
ଏବେ ଶିଶୁ ମାନେ ଅଧିକା ସଂକ୍ରମିତ ହେବେ । କାହିଁକି ନା ପ୍ରାୟ ସମସ୍ତ 18ରୁ ଉର୍ଦ୍ଧ୍ୱ ବ୍ୟକ୍ତି ଟୀକାକରଣ ହେଲେଣି ଏବଂ ସଂକ୍ରମିତ ବି ହେଉଛନ୍ତି । ତେଣୁ ଆନୁପାତିକ ଭାବେ ଶିଶୁ ମାନେ ଅଧିକା ହେବେ । ତୃତୀୟ ଲହର ଏବେ ବି ଆକଳନ ସ୍ତରରେ ଅଛି । ଆମକୁ ପ୍ରସ୍ତୁତ ରହିବାକୁ ପଡ଼ିବ ବୋଲି କହିଛନ୍ତି ଡିଏମଇଟି । 18 ବର୍ଷରୁ କମ୍ ବୟସରେ ଟିକାକରଣ ହୋଇନାହିଁ । ତେଣୁ ଆନୁପାତିକ ଭାବେ ଶିଶୁମାନେ ଅଧିକ ସଂକ୍ରମିତ ହେବେ ବୋଲି ସେ କହିଛନ୍ତି ।