୩୦/୦୮/୨୧ (ଜିଲ୍ଲା ଖବର) : ଭାରତୀୟ ଅଲରାଉଣ୍ଡର ଷ୍ଟୁଆର୍ଟ ବିନ୍ନି କ୍ରିକେଟର ସବୁ ପ୍ରକାରର ଫର୍ମାଟରୁ ଅବସର ଘୋଷଣା କରିଛନ୍ତି। ଭାରତ ପାଇଁ 6ଟି ଟେଷ୍ଟ, 14 ଟି ଦିନିକିଆ ଏବଂ ତିନୋଟି ଟି-୨୦ ଅନ୍ତର୍ଜାତୀୟ ଖେଳିଥିବା ବିନି ଦୀର୍ଘ ଦିନ ଧରି ଭାରତୀୟ ଦଳରୁ ଦୂରରେ ଥିଲେ। ସେ ତାଙ୍କର ଶେଷ ଅନ୍ତର୍ଜାତୀୟ ମ୍ୟାଚ୍ (T20) ୨୭ ଅଗଷ୍ଟ ୨୦୧୬ରେ ୱେଷ୍ଟଇଣ୍ଡିଜ୍ ବିପକ୍ଷରେ ଖେଳିଥିଲେ। ବିନି ବିବୃତ୍ତିରେ କହିଛନ୍ତି ଯେ ମୁଁ ଆପଣଙ୍କୁ ଜଣାଇବାକୁ ଚାହେଁ ଯେ ମୁଁ ପ୍ରଥମ ଶ୍ରେଣୀ ତଥା ଆନ୍ତର୍ଜାତୀୟ କ୍ରିକେଟରୁ ଅବସର ନେବାକୁ ନିଷ୍ପତ୍ତି ନେଇଛି। ସେ କହିଛନ୍ତି, ‘ଆନ୍ତର୍ଜାତୀୟ ସ୍ତରରେ ଦେଶକୁ ପ୍ରତିନିଧିତ୍ୱ କରିବା ମୋତେ ବହୁତ ଖୁସି ଦେଇଛି ଏବଂ ମୁଁ ଏଥିପାଇଁ ଗର୍ବିତ।’
ବିନି ଭାରତ ପାଇଁ ଦିନକିଆରେ ସର୍ବଶ୍ରେଷ୍ଠ ବୋଲିଂ ରେକର୍ଡ ରଖିଛନ୍ତି। ୨୦୧୪ରେ ଢାକାରେ ଖେଳାଯାଇଥିବା ଏକ ଦିନିକିଆ ମ୍ୟାଚରେ ସେ ବାଂଲାଦେଶ ବିପକ୍ଷରେ ମାତ୍ର ୪ ରନ୍ ଦେଇ ୬ ୱିକେଟ୍ ନେଇଥିଲେ। ସେ ୧୯୯୩ ରେ ୱେଷ୍ଟଇଣ୍ଡିଜ୍ ବିପକ୍ଷରେ ୬/୧୨ ନେଇଥିବା ଅନିଲ କୁମ୍ବଲେଙ୍କ ରେକର୍ଡ ଭାଙ୍ଗିଥିଲେ। ଟେଷ୍ଟ କ୍ରିକେଟରେ ବିନିଙ୍କ ୧୯୪ ରନ୍ ଏବଂ ତିନୋଟି ୱିକେଟ୍ ନେଇଛନ୍ତି। ଏଥି ସହିତ ଏକ ଦିନିକିଆ ଅନ୍ତର୍ଜାତୀୟ ମ୍ୟାଚରେ ସେ ୨୩୦ ରନ୍ ଏବଂ ୨୦ ୱିକେଟ୍ ନେଇଥିବାବେଳେ ତିନୋଟି ଟି -20 ରେ ବିନିଙ୍କ ୩୫ ରନ୍ କରିଥିବାବେଳେ ଗୋଟିଏ ୱିକେଟ୍ ନେଇଛନ୍ତି। ଏଥି ସହିତ ବିନ୍ନି ୯୫ଟି ପ୍ରଥମ ଶ୍ରେଣୀ ମ୍ୟାଚରେ ୪୭୯୬ ରନ୍ ସଂଗ୍ରହ କରିଛନ୍ତି। ଏହା ବ୍ୟତୀତ ୧୪୮ ୱିକେଟ୍ ନେଇଛନ୍ତି। ୧୦୦ ଲିଷ୍ଟଏ ମ୍ୟାଚରେ ସେ ୧୭୮୮ରନ୍ ସ୍କୋର କରିବା ସହିତ ସେ ୯୯ଟି ୱିକେଟ୍ ମଧ୍ୟ ନେଇଛନ୍ତି।