ଭୁବନେଶ୍ୱର,୨୨/୦୭/୨୧ (ଜିଲ୍ଲା ଖବର) : କୁଆଖାଇ ପଠାରୁ ମିଳିଥିବା ମୃତଦେହ କାହାର ? ନଦୀପଠାକୁ ଯାଇ ଭୁବନେଶ୍ୱର ଡିସିପିଙ୍କ ସହ ସାଇଣ୍ଟିଫିକ୍ ଟିମ୍ ଛାନଭିନ୍ କରିଛନ୍ତି । ତେବେ ମୃତଦେହଟି ଜଣେ ପୁରୁଷର ବୋଲି ଜଣାପଡିଛି । ପିଡି ସ୍କାନ୍ ସରିଥିଲାବେଳେ ଡେଡବଡିକୁ ପୋଷ୍ଟମର୍ଟମ ପାଇଁ ପଠାଯାଇଥିବା ସୂଚନା ଦେଇଛନ୍ତି ଭୁବନେଶ୍ୱର ଡିସିପି ।
ଭୁବନେଶ୍ୱର ମଞ୍ଚେଶ୍ୱର ଥାନା ବରିମୁଣ୍ଡ ପଞ୍ଚାୟତ ବାଲିଯାତ୍ରା ପଡିଆ ନିକଟରୁ ଗଳିତ ମୃତଦେହ ଉଦ୍ଧାର କରିଛି ପୋଲିସ । ମୃତଦେହଟି ନଦୀପଠାରେ ପୋତି ହୋଇ ରହିଥିବା ଦେଖି ପୋଲିସକୁ ଖବର ଦେଇଥିଲେ ଅଞ୍ଚଳବାସୀ । ମୃତକଙ୍କ ପରିଚୟ ମିଳିନଥିବାବେଳେ ୩ରୁ ୪ ଦିନ ତଳୁ ହତ୍ୟା କରି ନଦୀପଠାରେ ପୋତାଯାଇଥିବା ସନ୍ଦେହ କରୁଛି ପୋଲିସ ।
କିଛିଦିନ ତଳେ ଏଠାରେ ୨ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିବା ପୋଲିସକୁ କହିଛନ୍ତି ଅଞ୍ଚଳବାସୀ । ତେବେ ପୋଲିସ ପାଟ୍ରୋଲିଂ ଅଭାବରୁ ଏହି ଅଞ୍ଚଳରେ ବାରମ୍ବାର ଏଭଳି ଘଟଣା ଘଟୁଥିବା ଅଭିଯୋଗ ହୋଇଛି ।