Wednesday, November 18, 2026
Home ଆଞ୍ଚଳିକ ସାନ ସିଦ୍ଧପଲ୍ଲୀ ରେ ବାଲ୍ୟବିବାହ କୁ ରୋକିଲା ପ୍ରଶାସନ

ସାନ ସିଦ୍ଧପଲ୍ଲୀ ରେ ବାଲ୍ୟବିବାହ କୁ ରୋକିଲା ପ୍ରଶାସନ

15

କୋଦଳା,୨୧/୭(ଜିଲ୍ଲା ଖବର) : ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଳକ ଅନ୍ତର୍ଗତ କୁମ୍ଭାରଗାଁ ପଞ୍ଚାୟତ ସାନ ସିଦ୍ଧପଲ୍ଲୀ ଗ୍ରାମରେ ଏକ ବାଲ୍ୟବିବାହ କୁ ପ୍ରଶାସନ ଓ ଚାଇଲ୍ଡ ଲାଇନ ର ମିଳିତ ସହଯୋଗରେ ବନ୍ଦ କରାଯାଇଛି ।ସୂଚନା ଅନୁଯାୟୀ ସିଦ୍ଧପଲ୍ଲୀ ଗ୍ରାମର ଜଣେ ନାବାଳିକା କନ୍ୟା କୁ ସାନ ସିଦ୍ଧପଲ୍ଲୀ ଗ୍ରାମର ପିଣ୍ଟୁ ପ୍ରଧାନ (୨୫) ବିବାହ ପାଇଁ ନିଜ ଘରେ ଆଣି ରଖିଥିଲା। ସୂଚନା ପାଇଁ ବେଗୁନିଆପଡ଼ା ସିଡିପିଓ ତଥା ବାଲ୍ୟବିବାହ ନିଷେଧ ଅଧିକାରିଣୀ ଶ୍ରୀମତୀ ସନ୍ଧ୍ଯାରାଣୀ ପାଣିଗ୍ରାହୀ ଏବଂ ବ୍ରହ୍ମପୁର ଚାଇଲ୍ଡ ଲାଇନ ସଦସ୍ୟ ମାନେ ଆସି ବିବାହ ନକରିବା ପାଇଁ କହିଥିଲେ ।ଏବଂ ଝିଅ କୁ ବାପା ଘରକୁ ପଠାଇଥିଲେ ।ସରପଞ୍ଚ ସତୀଶ ରଞ୍ଜନ ତାରେଣୀ, ଅଙ୍ଗନୱାଡ଼ି ସୁପରଭାଇଜର, ବେଗୁନିଆପଡା ଫାଣ୍ଡି ପୋଲିସ ପକ୍ଷରୁ କନେଷ୍ଟବଳ ବାସୁଦେବ ସାହୁ ,ଜି ଆର୍ ଏସ୍ ସିତାରାମ ପଟ୍ଟନାୟକ, ଚାଇଲ୍ଡ ଲାଇନ ର ପରାମର୍ଶଦାତ୍ରୀ ପ୍ରିୟଙ୍କା ବେହେରା, ସଦସ୍ୟ ରଞ୍ଜିତ ବେହେରା, ଅଙ୍ଗନୱାଡି କର୍ମୀ ସୁଜ୍ଞାନୀ ସେଠୀ ପ୍ରମୂଖ ଉପସ୍ଥିତ ଥିଲେ । ଶେଷରେ ଝିଅ ର ବାପା ମା ଝିଅ କୁ ସାଙ୍ଗରେ ନେଇ ନିଜ ଘର କୁ ଯାଇଥିଲେ ।