୧୮/୦୭/୨୧ (ଜିଲ୍ଲା ଖବର) : ଭାରତ ଏବଂ ଶ୍ରୀଲଙ୍କା ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ରବିବାର ଠାରୁ ଆରମ୍ଭ ହେବ । ରୋହିତ ଶର୍ମା ଏବଂ ବିରାଟ କୋହଲିଙ୍କ ଅନୁପସ୍ଥିତି ଯୋଗୁଁ ଟିମ୍ ଇଣ୍ଡିଆର କମାଣ୍ଡ ଶିଖର ଧାୱନଙ୍କ ହାତରେ। ଏଭଳି ପରିସ୍ଥିତିରେ ଧୱନଙ୍କ ଅଧିନାୟକତ୍ୱ ଏବଂ ତାଙ୍କ ବ୍ୟାଟିଂ ଉପରେ ସମସ୍ତଙ୍କ ନଜର ରହିବ। ଟି -20 ବିଶ୍ୱକପ ପୂର୍ବରୁ ଧାୱନ ଏହି ସୁଯୋଗକୁ ସଫଳ ସହ ଓପନର୍ ଭାବରେ ଦଳରେ ତାଙ୍କ ସ୍ଥାନକୁ ପକ୍କା କରିବାକୁ ଚାହିଁବେ।
ଦଳର ବାମହାତୀ ବ୍ୟାଟ୍ସମ୍ୟାନ୍ ଏକ ବିଶେଷ ସଫଳତା ହାସଲ କରିବାର ସୁଯୋଗ ପାଇବେ। ଯଦି ପ୍ରଥମ ଦିନିକିଆରେ ଧାୱନ 23 ରନ୍ ସ୍କୋର କରନ୍ତି, ତେବେ ତାଙ୍କର 6000 ରନ୍ ଏହି ଫର୍ମାଟରେ ପୂରଣ ହେବ। ଏଭଳି ପରିସ୍ଥିତିରେ ସେ ଏହି ରେକର୍ଡ କିରବାରେ ଦଶମ ଭାରତୀୟ କ୍ରିକେଟର ହେବେ। କେବଳ ଏତିକି ନୁହେଁ, ଧାୱନ ଦ୍ରୁତତମ 6000 ରନ୍ ସ୍କୋର କରିବାରେ ଦ୍ୱିତୀୟ ଭାରତୀୟ ତଥା ଚତୁର୍ଥ ବ୍ୟାଟ୍ସମ୍ୟାନ୍ ହେବେ।
ଧାୱନ ବର୍ତ୍ତମାନ 139 ଇନିଂସରେ 5977 ରନ୍ କରିଛନ୍ତି ଏବଂ ଯଦି ସେ ପ୍ରଥମ ODI ରେ 23 ରନ୍ ସ୍କୋର କରନ୍ତି, ତେବେ ସେ ନିଜେ 140 ତମ ଇନିଂସରେ ଏହି ସଂଖ୍ୟା ହାସଲ କରିବେ। ଦ୍ରୁତତମ 6000 ରନ୍ କରିବାର ରେକର୍ଡ ବର୍ତ୍ତମାନ ଦକ୍ଷିଣ ଆଫ୍ରିକାର କ୍ରିକେଟର ହାସିମ ଆମଲା (123 ଇନିଂସ) ଙ୍କ ନାମରେ ରେକର୍ଡ କରାଯାଇଛି। ଏଥି ସହିତ ଭାରତୀୟ ଅଧିନାୟକ ବିରାଟ କୋହଲି (136) ଏହି ପ୍ରସଙ୍ଗରେ ଦ୍ୱିତୀୟ ସ୍ଥାନରେ ଅଛନ୍ତି।
ଯଦି ଧାୱନ 6000 ରନ୍ ପୂରଣ କରନ୍ତି, ତେବେ ସେ ପୂର୍ବତନ ଅଧିନାୟକ ସୌରଭ ଗାଙ୍ଗୁଲିଙ୍କୁ ପଛରେ ପକାଇବେ। ଗାଙ୍ଗୁଲି 6000 ରନ୍ ସ୍କୋର କରିବାକୁ 147 ଇନିଂସ ନେଇଥିଲେ। ଏସବୁ ବ୍ୟତୀତ ଯଦି ଧାୱନ 35 ରନ୍ ସ୍କୋର କରନ୍ତି, ତେବେ ଅନ୍ତର୍ଜାତୀୟ କ୍ରିକେଟ୍ ରେ ତାଙ୍କର 10000 ରନ୍ ପୂରଣ ହେବ।