ପୁରୀ,୧୫/୦୭/୨୧ (ଜିଲ୍ଲା ଖବର) : ଆସନ୍ତା ୧୭ ତାରିଖରେ ତିନିରଥର ହେବ ଦକ୍ଷିଣ ମୋଡ । ଏହାକୁ ଦୃଷ୍ଟିରେ ରଖି ସ୍ୱତନ୍ତ୍ର ବୈଷୟିକ ଟିମ୍ ଦ୍ୱାରା ତିନିରଥର ଯାଞ୍ଚ କାର୍ଯ୍ୟ କରାଯାଇଛି । ତେବେ ତିନିରଥରେ ସାମାନ୍ୟ ଫାଟ ଦେଖିବାକୁ ମିଳିଛି । ବଳଭଦ୍ରଙ୍କ ତାଳଧ୍ଵଜ ରଥ ଓ ଦେବୀ ସୁଭଦ୍ରାଙ୍କ ଦର୍ପଦଳନ ରଥର ଗୋଟିଏ ଲେଖାଏଁ ଚକରେ ରହିଛି ସାମାନ୍ୟ ଫାଟ ।
ସେହିଭଳି ମହାପ୍ରଭୁଙ୍କ ନନ୍ଦିଘୋଷ ରଥର ପ୍ରଭାରେ ରହିଛି ଫାଟ । ଏହାକୁ ମରାମତି କରାଯାଉଛି । ଦଶମହାରଣା ଛଅ ଜଣ ଭୋଇ ସେବକ ଓ ତିନି ଜଣ କମାର ସେବକ କରୁଛନ୍ତି ମରାମତି । ପୂର୍ବତଟ ରେଳବାଇର ଟେକ୍ନିକାଲ ଟିମ୍ କ୍ଷତିଗ୍ରସ୍ତ ଅଂଶକୁ ଜଗ୍ ଲଗାଇ ଟେକି ଧରିବା ଯୋଗୁଁ ମରାମତି ତ୍ୱରିତ ସହ ସହଜ ହୋଇପାରିଛି ।