ନୂଆଦିଲ୍ଲୀ,୧୫/୦୭/୨୧ (ଜିଲ୍ଲା ଖବର) : ‘ବିଗବସ ୧୪’ ଫେମ ରାହୁଲ ବୈଦ୍ୟ ଓ ତାଙ୍କ ପ୍ରେମିକା ଦିଶା ପରମାରଙ୍କ ବିବାହ ଦିନ ଏକଦମ୍ ପାଖେଇ ଆସିଛି । ଖୁବ୍ ଶୀଘ୍ର ଦୁହେଁ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ୧୬ ଜୁଲାଇ ୨୦୨୧ରେ ଦୁହେଁ ଏକ ନୂଆ ଜୀବନ ଆରମ୍ଭ କରିବେ । ତେବେ ବିବାହର ସମସ୍ତ ପ୍ରସ୍ତୁତି ତାଙ୍କର ଆରମ୍ଭ ହୋଇ ଯାଇଛି । ଯାହାର ଫଟୋ ଏବେ ସୋସିଆଲ ମିଡିଆରେ ଦେଖିବାକୁ ମିଳୁଛି । ନିକଟରେ ଦିଶା ହାତରେ ରାହୁଲ ନାଁର ମେହେନ୍ଦୀ ଲଗାଇଛନ୍ତି । ଯାହାର ଫଟୋ ସାମ୍ନାକୁ ଆସିଛି ।
ଦୁହେଁ, ନିଜର ସାଙ୍ଗସାଥି ଓ ପରିବାର ସଦସ୍ୟକୁ ନିମନ୍ତ୍ରଣ ପଠାଇ ଦେଇଛନ୍ତି । ନିମନ୍ତ୍ରଣ ପଠାଇବା ସହିତ ଖୁବ୍ ସୁନ୍ଦର କଥା ମଧ୍ୟ ଲେଖିଛନ୍ତି । ସେ ଲେଖିଛନ୍ତି ଯେ,’ ଆମେ ଆପଣଙ୍କୁ ଆମର ସ୍ବତନ୍ତ୍ର ଦିନରେ ଅଂଶଗ୍ରହଣ କରିବା ଓ ଆପଣମାନଙ୍କ ଠାରୁ ଆଶିର୍ବାଦ ନେବାକୁ ଚାହୁଁଛୁ । ଆପଣଙ୍କ ଅପେକ୍ଷା ରହିଲା’ ।
ପ୍ରକାଶ ଥାଉକି, ରାହୁଲ ଓ ଦିଶାଙ୍କ ବିବାହ ଉସ୍ବବରେ ୫୦ ଲୋକ ସାମିଲ ହେବେ । ନିକଟରେ ରାହୁଲ କହିଛନ୍ତି ଯେ, କରୋନା କାରଣରୁ ଅନ୍ୟ ଲୋକମାନଙ୍କୁ ନିମନ୍ତ୍ରିତ କରାଯାଇ ନାହିଁ ।