
୧୧/୦୭/୨୧ (ଜିଲ୍ଲା ଖବର) : ସ୍ବାସ୍ଥ୍ୟ ପାଇଁ ଘିଅ ବହୁତ୍ ଲାଭଦାୟକ ବୋଲି କୁହାଯାଏ । ଘିଅରେ ଭରପୁର ମାତ୍ରାରେ ଭିଟାମିନ‘ଏ’, ’ଇ’, ’କେ୨’, କ୍ୟାଲସିୟମ, ଭିଟାମିନ୍’ସି’ ମିଳିଥାଏ । ଯାହା ସ୍ବାସ୍ଥ୍ୟ ପାଇଁ ବହୁତ୍ ଉପକାରୀ ହୋଇଥାଏ । ତେବେ ହାଡକୁ ମଜବୁତ୍ କରିବାରେ ବେଶ ସହାୟକ ହୋଇଥାଏ ଘିଅ । ଆସନ୍ତୁ ଜାଣିବା ହାଡକୁ ମଜବୁତ୍ କରିବା ପାଇଁ ନିଜ ଡାଏଟରେ କେମିତି ବ୍ୟବହାର କରାଯାଇ ପାରିବ ଘିଅ ।
-ଏକ ଗ୍ଲାସ କ୍ଷୀରରେ ଏକ ଚାମଚ ସୁଦ୍ଧ ଦେଶୀ ଘିଅ ପକାଇ ସେବନ କରିବା ଦ୍ବାରା, ଏହା ହାଡକୁ ମଜବୁତ କରିବାରେ ସାହାଯ୍ୟ କରେ । ଏହା ସହିତ ଥକ୍କାପଣ ଦୂର କରିବା ଏବଂ ନିଦ୍ରାହୀନତା ସମସ୍ୟାରୁ ରକ୍ଷା କରିବାରେ ମଧ୍ୟ ଏହା ସାହାଯ୍ୟ କରେ ।
–ହାଲକା ଉଷୁମ ପାଣିରେ ଘିଅ ପକାଇ ପିଇବା ଦ୍ବାରା, ଏହା ହାଡକୁ ମଜବୁତ କରିବାରେ ସାହାଯ୍ୟ କରେ । ଗୋଟେ ଗ୍ଲାସ ଉଷୁମ ପାଣିରେ , ଗୋଟେ ଚାମଚ ଘିଅ ପକାଇ ସେବନ କରି ପାରିବେ ।
-ହାଡ ଦୁର୍ବଳ ହୋଇଥିଲେ, ଏଥିରୁ ରକ୍ଷା ପାଇବା ପାଇଁ ଡାଲିରେ ଘିଅ ମିଶାଇ ସେବନ କରିବା ଦ୍ବାରା, ଏହି ସମସ୍ୟାରୁ ରକ୍ଷା ମିଳିଥାଏ ।


