
ଆବଶ୍ୟକ ସାମଗ୍ରୀ-
କାକୁଡି, ଲୁଣ, ହଳଦୀ ପାଉଡର, ସୋରିଷ, ରସୁଣ, ଶୁଖିଲା ଲଙ୍କା, ତେଲ, ପଞ୍ଚ ଫୁଟଣ, ଭ୍ରୁସଙ୍ଗ ପତ୍ର, ପିଆଜ, ଟମାଟୋ, ଧନିଆ ପତ୍ର ।
ପ୍ରସ୍ତୁତି ପ୍ରଣାଳୀ-
ପ୍ରଥମେ କାକୁଡିର ଚୋପା ଛଡେଇ ଛୋଟଛୋଟ ଖଣ୍ଡ କରି କାଟିବେ । ଏହାପରେ ପାଣିରେ କଟା କାକୁଡି, ଲୁଣ ଏବଂ ହଳଦୀ ପାଉଡର ପକାଇ ସିଝାଇବେ । ତାପରେ ସୋରିଷ,ରସୁଣ ଏବଂ ଶୁଖିଲା ଲଙ୍କାରେ ରେ ଅଳ୍ପ ପାଣି ମିଶାଇ ଗ୍ରାଇଣ୍ଡିଂ କରିବେ । ତାପରେ ଗ୍ୟାସରେ କଡେଇ ବସେଇ ତେଲ ପକାଇବେ । ତେଲ ଗରମ ହେବାପରେ ସେଥିରେ ପଞ୍ଚ ଫୁଟଣ ପକାଇ ଫୁଟାଇବେ । ଏହାପରେ ସେଥିରେ ଭ୍ରୁସଙ୍ଗ ପତ୍ର କଟା ପିଆଜ ପକାଇ ଭାଜିବେ । ପିଆଜ ଭାଜି ହୋଇ ଆସିଲେ, ସେଥିରେ କଟା ଟମାଟୋ ପକାଇ ମିକ୍ସ କରିବେ । ଟମାଟୋ ମେଲ୍ଡ ହୋଇ ଆସିଲେ, ସେଥିରେ ଗ୍ରାଇଣ୍ଡିଂ କରିଥିବା ସୋରିଷ ପେଷ୍ଟ ଏବଂ ଅଳ୍ପ ପାଣି ପକାଇ ମିକ୍ସ କରି, କିଛି ସମୟ କଷିବେ । ଏହାପରେ ସେଥିରେ ସିଝାଇ ରଖିଥିବା କାକୁଡି ପକାଇ ମିକ୍ସ କରିବେ । ଏହାପରେ ସେଥିରେ ଲୁଣ ଏବଂ କଟା ଧନିଆ ପତ୍ର ପକାଇ ମିକ୍ସ କରି, ଗ୍ୟାସ ବନ୍ଦ କରିବେ । ପ୍ରସ୍ତୁତ ହୋଇଗଲା କାକୁଡି ବେସର । ଏବେ ଏହାର ମଜା ନେଇ ପାରିବେ ।


