ନୂଆଦିଲ୍ଲୀ,୨୫/୦୬/୨୧ (ଜିଲ୍ଲା ଖବର) : ଅନଲାଇନ ଠକେଇର ଶିକାର ହୋଇଛନ୍ତି ବଲିଉଡର ଜଣାଶୁଣା ଅଭିନେତ୍ରୀ ଶବାନା ଆଜମୀ । ଟ୍ବିଟ କରି ସେ ଏହାର ସୂଚନା ଦେଇଛନ୍ତି । ସେ ତାଙ୍କ ଟ୍ବିଟର ହ୍ୟାଣ୍ଡେଲରେ କରିଥିବା ପୋଷ୍ଟରେ ଲିଭିଂ ଲିକ୍ବିଡଜକୁ ପେଟିଏମରେ ସେ ଅନଲାଇନ ପଇଠ କରି ଦେଇଥିଲେ ।
ହେଲେ ଅର୍ଡର ଡେଲିଭରି ହେବା ଆଗରୁ, ସେମାନେ ତାଙ୍କ ଫୋନ ରିସିଭ୍ କରୁନଥିଲେ ବୋଲି ସେ ଉଲ୍ଲେଖ କରିଛନ୍ତି । କେବଳ ଏତିକି ନୁହେଁ ,ଏହା ସହିତ ସେ ଯେଉଁ ଆକାଉଣ୍ଟରୁ ଯାହାକୁ ଟଙ୍କା ଟ୍ରାନ୍ସଫର କରିଛନ୍ତି, ତାର ଆଇଏଫଏସସି କୋଡ ସହ ନମ୍ବର ମଧ୍ୟ ଉଲ୍ଲେଖ କରିଛନ୍ତି ।
ଏହା ସହିତ ସେ ଲୋକମାନଙ୍କୁ ଅନଲାଇନରେ କିଣାକିଣି ସମୟରେ ଠକଙ୍କ ପ୍ରତି ସାବଧାନ ରହିବାକୁ ସତର୍କ କରିଛନ୍ତି । ଏହାପରେ ନେଟିଜେନମାନେ ତାଙ୍କୁ ପୁଲିସରେ ତୁରନ୍ତ ଏତଲା ଦେବାକୁ ପରାମର୍ଶ ଦେଇଛନ୍ତି ।