ନୂଆଦିଲ୍ଲୀ, ୦୫/୦୬/୨୧ (ଜିଲ୍ଲା ଖବର) : କରୋନାର ଏଭଳି କଠିନ ସମୟରେ ଅନେକ ସେଲିବ୍ରେଟି ଲୋକଙ୍କ ସାହାଯ୍ୟ କରିବାକୁ ଆଗକୁ ଆସୁଛନ୍ତି । ଠିକ୍ ସେମିତି ପୁଣି ଥରେ ବଲିଉଡ ଅଭିନେତା ହ୍ରିତିକ ରୋଶନ ସିନେ ଏବଂ ଟିଭି ଆର୍ଟିଷ୍ଟ ଆସୋସିଏସନ (CINTAA) ର ସାଥି ସଦସ୍ୟଙ୍କୁ ସାହାଯ୍ୟ କରିବାକୁ ଆଗକୁ ଆସିଛନ୍ତି ।
୨୦ ଲକ୍ଷ ଟଙ୍କା ଡୋନେସନ ଦେଇଛନ୍ତି ସେ । ଏବଂ ଦାରିଦ୍ରତାର ସୀମା ରେଖା ତଳେ, ଥିବା ଲୋକଙ୍କ ପାଇଁ ରାସନ କିଟ ମଧ୍ୟ ପ୍ରଦାନ କରିଛନ୍ତି । ଯାହା ୫୦୦୦ ସଦସ୍ୟଙ୍କୁ ସହାୟକ ହେବ ।
ଏହା ପୂର୍ବରୁ ମଧ୍ୟ ହ୍ରିତିକ ରୋଶନ CINTAAକୁ ୨୫ ଲକ୍ଷ ଟଙ୍କା ଦାନ କରିବାକୁ ଆଗକୁ ଆସିଥିଲେ । ଯାହା ଦ୍ବାରା ୪ ହଜାର କଳାକାର ଏବଂ ସେମାନଙ୍କ ପରିବାରକୁ ସହାୟତା ପ୍ରଦାନ କରାଯାଇଥିଲା । ଏ ସମ୍ପର୍କରେ କହିଥିଲେ, CINTAAର ସାଧାରଣ ସମ୍ପାଦକ ଅମିତ୍ ବହଲ ।