ଭୁବନେଶ୍ୱର,୩୧/୦୫/୨୧ (ଜିଲ୍ଲା ଖବର) : ଲକଡାଉନ୍ ଓ ସଟଡାଉନ ଭିତରେ ରାଜଧାନୀରେ ବଢୁଛି ଲୁଟପାଟ୍ । ଏକୁଟିଆ ଦେଖି ମହିଳାଙ୍କୁ ଛୁରୀ ମାରି ଲୁଟ କରିବାକୁ ଉଦ୍ୟମ । ଭୁବନେଶ୍ୱରର ନୟାପଲ୍ଲୀ ଭିଆଇପି ରୋଡ଼ରେ ଦେଖିବାକୁ ମିଳିଛି ଏପରି ଦୃଶ୍ୟ । ଯାହାର ସମ୍ପୂର୍ଣ୍ଣ ଚିତ୍ର କଏଦ ହୋଇଛି ସିସିଟିଭିରେ ।
ସୂଚନାନୁସାରେ, ସକାଳୁ ମହିଳା ଜଣକ ପରିବା ଆଣିବା ପାଇଁ ଯାଉଥିବା ସମୟରେ ତାଙ୍କୁ ଏକ ଦୁର୍ବୃତ୍ତ ଏକୁଟିଆ ଦେଖି ଧାରୁଆ ଛୁରୀରେ ଆକ୍ରମଣ କରି ଲୁଟ କରିବା ପାଇଁ ଚେଷ୍ଟା କରିଥିଲା । ମହିଳା ଜଣଙ୍କୁ ଗୁରୁତର ଅବସ୍ଥାରେ ନୟାପଲ୍ଲୀ ଉସ୍ତି ମେଡିକାଲରେ ଭର୍ତ୍ତି କରାଯାଇଛି ।
ତେବେ ରାଜ୍ୟରେ ବଢ଼ୁଥିବା ସଂକ୍ରମଣକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ଲକଡାଉନ ଏବଂ ସଡଡ଼ାଉନ କରାଯାଉଛି। ଯାହା ଫଳରେ ଅନେକ ଲୋକ ଜୀବିକା ହରାଇ ଘରେ ବସିରହୁଛନ୍ତି। ଆଉ ଏହାର ସୁଯୋଗ ନେଇ କିଛି ଲୋକ ଲୁଟପାଟ କରୁଥିବା ଦେଖିବାକୁ ମିଳିଛି।