ଆସିକା,୧୯/୧୦(ଖିରୋଦ ବେହେରା) : ଆସିକା ପୋଲିସ ପକ୍ଷରୁ ଗତକାଲି ରାତିରେ ସ୍ଥାନୀୟ ଲକ୍ଷ୍ମିବଜାର ସ୍ଥିତ ଗୁଟଖା ଗୋଦାମ ଚଢାଉରେ ୪୦ ବସ୍ତା ବେଆଇନ ଗୁଟଖା ଜବତ ସାଙ୍ଗକୁ ଜଣେ ଗିରଫ ହୋଇ କୋର୍ଟ ଚାଲାଣ ହୋଇଥିବା ଜଣାଯାଇଛି । ଗିରଫ ବ୍ୟକ୍ତି ଜଣ ହେଲେ ବାବନପୁର ଗ୍ରାମର ଏ.ଭୀମସେନ ପାତ୍ରଙ୍କ ପୁଅ ଏ.ନିଳାଚଂଳ ପାତ୍ର ବୟସ ୪୨ ବୋଲି ପୋଲିସ ଥାନା ଅଧିକାରୀ ପ୍ରଶାନ୍ତ କୁମାର ସାହୁ ସୂଚନା ପ୍ରଦାନ କରିଛନ୍ତି । ବିଶେଷ ସୂତ୍ରରୁ ଖବର ପାଇ ଅବାଧରେ ଚାଲିଥିବା ବେଆଇନ ଗୁଟଖା ବିକ୍ରି ଓ ବାହାର ଅଚଂଳ ପଠାଯାଉଥିବା ନେଇ ପ୍ରତିବନ୍ଧକ ଲଗାଇବା ଉଦେ୍ଧଶ୍ୟରେ ଥାନା ଅଧିକାରୀ ସମେତ ପୋଲିସ ଟିମ ଗତକାଲି ରାତିରେ ଚଢାଉ କରିଥିଲେ । ଏନେଇ ଥାନା କେସ ନମ୍ବର- ୩୮୨/୧୯, ଦଫା ୪୨୦,୨୭୨ ଆଇପିସି/୨୦ ରେ ସିଗାରେଟ ଓ ତମ୍ବାଖୁ ପଦାର୍ଥ ଆକ୍ଟ ୨୦୦୩ ଅନୁଯାୟୀ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି । ଏହି ଚଢାଉ ପରେ ଆସିକା ଅଚଂଳରେ ଗୁଟଖା ବ୍ୟବସାୟୀ ମାନଙ୍କ ଠାରେ ଭୟର ବାତାବରଣ ଦେଖାଦେଇଛି ।