ଭୁବନେଶ୍ୱର, ୨୭/୦୫/୨୧ (ଜିଲ୍ଲା ଖବର) : ରାଜ୍ୟରେ ଭ୍ୟକ୍ସିନେସନକୁ ନେଇ ପ୍ରତିକ୍ରିୟା ରଖିଲେ ସ୍ୱାସ୍ଥ୍ୟ ନିର୍ଦେଶକ ବିଜୟ ମହାପାତ୍ର । ବାତ୍ୟା ପ୍ରଭାବିତ ଅଂଚଳରେ ସ୍ଥିତିରେ ସୁଧାର ଆସିଲେ ଡୋର ତୁ ଡୋର ସର୍ଭେକୁ ଜୋରଦାର କରାଯିବ । ପ୍ରଭାବିତ ଅଞ୍ଚଳରେ ଲୋକମାନେ ବାତ୍ୟା ଆଶ୍ରୟସ୍ଥଳୀରୁ ଫେରିଲେ ଭ୍ୟାକିନେସନ ଓ ଟେଷ୍ଟିଙ୍ଗ ଆରମ୍ଭ ହେବ ।
ଏହାସହ ସେ ଆହୁରି ମଧ୍ୟ କହିଛନ୍ତି ଯେ, ବାତ୍ୟା ପାଇଁ ଟେଷ୍ଟିଂ କମିଛି । ଆମ ରାଜ୍ୟରେ ପଜେଟିଭିଟି ରେଟ କମିଛି । ପୂର୍ବରୁ 20+ ରେ ଥିଲା ଏବେ ଏହା 14 କୁ ଖସି ଆସିଛି । ବାତ୍ୟା ଦ୍ୱାରା ଆମର କୌଣସି ଜିଲ୍ଲାରେ ବି କୋଭିଡ ଇନଫ୍ରାଷ୍ଟ୍ରକ୍ଚର ନଷ୍ଟ ହୋଇନାହିଁ । ଆଇସିୟୁରେ ଅତି ଗୁରୁତର କରୋନା ରୋଗୀ ବହୁଦିନ ହେବ ରହି ଚିକିତ୍ସିତ ହେଉଥିବା ଫଳରେ ଏବେ ମୃତ୍ୟୁ ସଂଖ୍ୟା ଅଧିକ ଆସୁଛି ।
ଆମ ରାଜ୍ୟରେ ଆଇସିୟୁ 80% ଫିଲଅପ ଅଛି ଓ ଭେଣ୍ଟିଲେଟର 50% ଫିଲଅପ ଅଛି । ଏକ୍ସପର୍ଟ ମାନଙ୍କ ମତାମତ ନିଆଯାଉଛି, ତା ପରେ ଲକଡାଉନ ଉପରେ ଚିନ୍ତା କରାଯିବ । ବାତ୍ୟା ପରର ସ୍ଥିତିରେ ସୁଧାର ଆସିଲେ ଟେଷ୍ଟିଂ ଓ ଟିକାକରଣ କାର୍ଯ୍ୟ ଆରମ୍ଭ ହେବ ।