ଜଟଣୀ,୨୪/୫(ଜିଲ୍ଲା ଖବର) : ଜଟଣୀବ୍ଲକ ଅନ୍ତର୍ଗତ ଛଣଘର ପଚାଂୟତର ଓଗରସୂଆଁ ଗ୍ରାମରେ ରହିଥିବା ସର୍ବସାଧାରଣ ବ୍ୟବହୃତ ପଚାଂୟତ ପୋଖରୀ ରକ୍ଷଣାବେକ୍ଷଣ ଅଭାବରୁ ପୋତି ହୋଇଯାଇଥିଲା । ଫଳରେ ଗ୍ରାମରେ ଜଳ ସଂଙ୍କଟ ଦେଖାଦେଇଥିଲା । ଏହି ପୋଖରୀ ପୁନରୁଧାର ପାଇଁ ଗ୍ରାମବାସୀଙ୍କ ଦାବିକୁ ଦୃଷ୍ଟିରେ ରଖି ସରପଚଂ ଓ ବ୍ଲକ ପ୍ରଶାସନ ଅର୍ଥ ମଜୁଂର କରାଇଥିଲେ । ମାତ୍ର ଗ୍ରାମର କେତେକ ବ୍ୟକ୍ତି ପୋଖରୀ ନିକଟ ଜମି ନଛାଡିବା ଏବଂ ମନରେଗା ଯୋଜନାକୁ ମାତ ଦେଇ ମେସିନ ସାହାଯ୍ୟରେ ପୋଖରୀ ଖୋଳିବାକୁ ପ୍ରଶାସନ ଓ ଜନପ୍ରତିନିଧୀ କେହି ଶୁଣିନଥିଲେ । ତେଣୁ ଓଗରସୂଆଁ ଗ୍ରାମବାସୀମାନେ ନିଜ ପ୍ରଚେଷ୍ଟାରେ ପୋଖରୀରୁ ମୋଟର ସାହାଯ୍ୟରେ ପାଣି ଶୁଖାଇ ସେଥିରୁ ଦଳ କାଢିବାପରେ ଶନିବାର ଜେସିବି ମେସିନ ଜରିଆରେ ପୁନରୁଧାର କରିଛନ୍ତି । ଦିର୍ଘ ଦିନରୁ ଅବହେଳିତ ଅବସ୍ଥାରେ ପଡିଥିବା ଏହି ପୋଖରୀକୁ ଗ୍ରାମବାସୀମାନେ ଜେସିବି ମେସିନ ସାହାଯ୍ୟରେ ଏହି ପଚାଂୟତ ପୋଖରୀର ପୁନରୁଧାର କରିବାକୁ ପ୍ରଶାସନ ନିକଟରେ ବାରମ୍ବାର ଦାବି କରି ଆସୁଥିଲେ । ଗ୍ରାମବାସୀଙ୍କ କଥାକୁ କେହି କର୍ଣ୍ଣପାତ କରୁନାହାନ୍ତି ବୋଲି ଅଭିଯୋଗ କରିଆସୁଥିଲେ । ମାତ୍ର ଗ୍ରାମବାସୀମାନଙ୍କର ଦାବିକୁ ପ୍ରଶାସନ ମାନିବାକୁ ଅରାଜି ହୋଇଥିଲା । ସରକାର ଜବକାର୍ଡ ମାଧ୍ୟମରେ ଲୋକମାନଙ୍କୁ କାମ ଯୋଗାଇବାକୁ ମନରୋଗା ଯୋଜନା ପ୍ରସ୍ତୁତ କରିଥିବା ବେଳେ ଗ୍ରାମବାସୀମାନେ ମେସିନ ମାଧ୍ୟମରେ କାମ କରିବାକୁ କହୁଛନ୍ତି । ଅନ୍ୟପଟେ ଗ୍ରାମର ଏହି ପୋଖରୀ ଉପରେ ୯୦% ଲୋକ ନିର୍ଭର କରୁଥିବା ବେଳେ ଏହି ପୋଖରୀ ଉପରେ ଗ୍ରାମର ୮୦୦ରୁ ଉର୍ଦ୍ଧ୍ୱ ଲୋକେ ନିର୍ଭର କରିଥାନ୍ତି । ମାତ୍ର ଏଗୁଡିକ ଦିର୍ଘ ଦିନରୁ ରକ୍ଷଣାବେକ୍ଷଣ ଅଭାବରୁ କଲିକତି ଦଳରେ ପରିପୁର୍ଣ୍ଣ ହୋଇଯାଇଥିଲା । ଏଥି ସହିତ ମାର୍କଣ୍ଡସାହୀ ପୋଖରୀକୁ ଯାତାୟତ ପାଇଁ ରାସ୍ତାଟିଏ ନଥିବା ବେଳେ ଗ୍ରାମବାସୀମାନେ ନିଜଖର୍ଚ୍ଚରେ ଏକ ଅସ୍ଥାୟୀ ରାସ୍ତା ନିର୍ମାଣ କରି ଯାତାୟତ କରୁଛନ୍ତି ବୋଲି କହିଛନ୍ତି । ଓଗରସୂଆଁ ଗ୍ରାମର ମାର୍କଣ୍ଡସାହୀ ବଡପୋଖରୀ ଉପରେ ଗ୍ରାମର ଏତେମାତ୍ରାର ଲୋକ ନିର୍ଭର କରୁଥିବା ବେଳେ ଦାବି କରାଯାଉଥିଲେ ମଧ୍ୟ ଲୋକ ପ୍ରତିନିଧୀ ଏବଂ ପ୍ରଶାସନିକ ଅଧିକାରୀମାନେ ଆଦୈାଂ ଦୃଷ୍ଟି ଦେଉ ନାହାନ୍ତି ବୋଲି ଅଭିଯୋଗକୁ ସ୍ଥାନୀୟ ଜନପ୍ରତିନିଧୀ ଓ ବ୍ଲକ ପ୍ରଶାସନ ଖଣ୍ଡନ କରିଛନ୍ତି । ଗ୍ରାମବାସୀଙ୍କ କହିବାନୁସାରେ, ଶହଶହ ବର୍ଷର ଏହି ପୁରାତନ ପୋଖରୀକୁ ପୁର୍ବପୁରୁଷରୁ ଲୋକମାନେ ବ୍ୟବହାର କରିଆସୁଥିଲେ ଏବଂ ନିଜ ଅର୍ଥ ବ୍ୟୟରେ ପୁନରୁଧାର କରୁଥିଲେ । ମାତ୍ର ଦିର୍ଘ ୧୦ବର୍ଷହେବ ଏହି ବଡପୋଖରୀଟି ଏବେ କଲିକତି ଦଳରେ ପରିପୁର୍ଣ୍ଣ ହୋଇଗଲାଣି । ଫଳରେ ପୁନରୁଧାର କରିବାଲାଗି ଗ୍ରାମବାସୀଙ୍କ ସକ୍ଷମ ନଥିବାରୁ ଗ୍ରାମବାସୀମାନେ ନାହିଁ ନଥିବା ଅସୁବିଧାର ସମୁଖୀନ ହୋଇ ପ୍ରଶାସନର ଦ୍ୱାରସ୍ଥ ହୋଇଥିଲେ । ଲୋକମାନଙ୍କର ଗାଧୁଆପାଧୁଆ,ଶୈାଚ,ଦଶାହ ଏବଂ ଗାଈଗୋରୁଙ୍କୁ ମଧ୍ୟ ଏହି ପୋଖରୀରେ ଗାଧୁଆପାଧୁଆ କରାଯାଇଥାଏ ବୋଲି କହିଛନ୍ତି ଗ୍ରାମବାସୀମାନେ । ମାତ୍ର ଏହା ପୋତି ହୋଇଯିବାପରେ ଏହା ବ୍ୟବହାର ଯୋଗ୍ୟ ହୋଇପାରି ନାହିଁ । ଅନ୍ୟ ପକ୍ଷରେ ଏହି ପୋଖରୀକୁ ବାଟଟିଏ ନଥିବା ବେଳେ ତୁଠ ମଧ୍ୟ ପୋତିହୋଇ ଗଲାଣି । ଗ୍ରାମବାସୀମାନେ ଘରପିଛା ୩୦୦ଟଙ୍କା ଲେଖାଁଏ ଆଦାୟ କରି ଜୈନିକ ଜଣେ ବ୍ୟକ୍ତିଙ୍କ ବିଲରେ ମାଟିପକାଇ ଅସ୍ଥାୟୀବାଟ ବାହାର କରି ଯାତାୟତ କରୁଛନ୍ତି । ବର୍ଷା ଋତୁରେ ଏହି ପୋଖରୀଟି ସପୁର୍ଣ୍ଣ ଜଳମଗ୍ନ ହୋଇ ବ୍ୟବହାର ଅନୁପଯୋଗୀ ହୋଇଯାଇଥାଏ । ଉକ୍ତଗ୍ରାମଟି ଛଣଘର ପଚାଂୟତ ଅଧିନରେ ରହିଥିବାରୁ ଏନେଇ ଛଣଘର ସରପଚଂ ସୁନିଲ କୁମାର ରାଉତରାୟଙ୍କୁ ପଚାରିବାରେ ସେ କୁହନ୍ତୀ, ଓଗରସୂଆଁ ମାର୍କଣ୍ଡସାହୀରେ ରହିଥିବା ବଡପୋଖରୀଟି ସରକାରୀ କିମ୍ବା ପଚାଂୟତ ଅଧିନରେ ନାହିଁ । ଏଣିକି ଆଉ ସରକାରୀ ନିଲାମ ମଧ୍ୟ ଦିଆଯାଉ ନାହିଁ । ମାତ୍ର ଗ୍ରାମବାସୀମାନଙ୍କ ସମସ୍ୟାକୁ ଦୃଷ୍ଟିରେ ରଖି ଉକ୍ତପୋଖରୀରୁ ଦଳକାଢିବାକୁ କିଛି ଟଙ୍କାଦେଇଥିଲି । ଦଳ ମଧ୍ୟ କଢାଯାଇ ପୋଖରୀଟି ବ୍ୟବହାର କରାଯାଉଥିଲା । ଅନ୍ୟପକ୍ଷରେ ଏହି ପୋଖରୀଲାଗି ୧୦ଲକ୍ଷ ଟଙ୍କା ବ୍ୟୟଅଟକଳ କରାଯାଇ ନିଜେ ଜିଲାପିଡି ମଧ୍ୟ ଉକ୍ତ ପୋଖରୀ ପରିଦର୍ଶନରେ ଆସିଥିଲେ । ଏହି ପୋଖରୀଟିକୁ ମଡେଲ ପୋଖରୀର ମାନ୍ୟତା ମିଳିଥାନ୍ତା । ମାତ୍ର କାର୍ଯ୍ୟାରମ୍ଭ ହେବାପୁର୍ବରୁ ଗ୍ରାମବାସୀମାନେ ପୋଖରୀ ପୁନରୁଧାର କରିବାଲାଗି ନିକଟସ୍ଥ ଜମି ଛାଡିବାକୁ ଅରାଜି ହୋଇଥିଲେ । ଫଳରେ ଏହି ପ୍ରକଳ୍ପଟି ପ୍ରତ୍ୟାଖ୍ୟାନ କରାଯାଇଥିଲା । ଏଥି ସହିତ ଏବେ ପୁଣି ଏହି ପୋଖରୀ କାର୍ଯ୍ୟକୁ ସରକାରଙ୍କ ଆଇନକୁ ଅବମାନନା କରି ମନରେଗା ଯୋଜନାକୁ ମାତ ଦେଇ ଜେସିବି ମେସିନ ମାଧ୍ୟମରେ ଖୋଳିବାକୁ ଦାବି କରୁଛନ୍ତି । ତାହା ସମ୍ଭବ ନୁହେଁ । ଏବେ ମଧ୍ୟ ଏନେଇ ୫ଲକ୍ଷ ଟଙ୍କା ଅର୍ଥ ମଜୁଂର ହୋଇଛି । ଅନ୍ୟପଟେ ମନରେଗା ଯୋଜନାରେ ଶ୍ରମିକଙ୍କ ପିଛା ପାରିଶ୍ରମିକ ୨୧୫ଟଙ୍କା ରହିଛି । ତେଣୁ ଏତେ କମ୍ ପାରିଶ୍ରମିକରେ ଲୋକମାନେ କାମ କରିବାକୁ ଇଛୁକ ନୁହନ୍ତି । ତେଣୁ ଏତେ ସମସ୍ୟାର ସମୁଖୀନ ହେବାକୁ ଇଛା ପ୍ରକଟ ନକରି ଗ୍ରାମବାସୀମାନେ ନିଜ ଚେଷ୍ଟାରେ ପୋଖରୀ କାର୍ଯ୍ୟାରମ୍ଭ କରିଥିବା କହିଛନ୍ତି ।
ରିପୋର୍ଟ, ସଞ୍ଜୀବ କୁମାର