ଭୁବନେଶ୍ୱର, ୧୯/୦୫/୨୧ (ଜିଲ୍ଲା ଖବର) : କୋଭିଡ୍ ମୁକାବିଲା ନେଇ ରାଜ୍ୟ ସରକାରଙ୍କୁ ବିଜେପିର ପରାମର୍ଶ । ରାଜ୍ୟରେ ଦେଖାଦେଇଥିବା କରୋନା ସ୍ଥିତିକୁ ନେଇ ଆମେ ମିଳିମିଶି କାମ କରିବା । କାହାକୁ ଏବେ ଦୋଷ ଦେବାର ବେଳା ନୁହେଁ ବୋଲି କହିଛନ୍ତି ବିଜେପି ସାଧାରଣ ସମ୍ପାଦକ ଗୋଲକ ମହାପାତ୍ର । ଆମେ ଯେତେ ଅଧିକା ଟେଷ୍ଟିଂ, ଟ୍ରେସିଂ, ଟ୍ରିଟିଂ କରି ପାରିବା କୋଭିଡ କବଳରୁ ରକ୍ଷା ପାଇ ପାରିବା । ଓଡିଶାରେ ଦୈନିକ ଟେଷ୍ଟିଂର ହାର ୫୨ ହାଜର ରହିଛି ଯାହା ପର୍ଯ୍ୟାପ୍ତ ନୁହେଁ । ରାଜ୍ୟ ସରକାର ଦୈନିକ ଟେଷ୍ଟିଂ ବଢାନ୍ତୁ । କେନ୍ଦ୍ର ସରକାର ପାଖାପାଖି ସାଢେ ୪୪ ଲକ୍ଷରୁ ଅଧିକ ଆଣ୍ଟିଜେନ କିଟ୍ ଯୋଗାଇ ଦେଇଛନ୍ତି । ଓଡିଶାରେ ୬୫ ଲକ୍ଷ 68 ହଜାର ୬୪୯ ଲୋକଙ୍କୁ ଟୀକାକରଣ କରାଯାଇଛି । ତା ଭିତରୁ ୬୪ ଲକ୍ଷ ୩୧ ହଜାର ୨୮୪ ଜଣ ସିଧାସଲଖ ଭାବରେ ଭାରତ ସରକାରଙ୍କ ମାଗଣା ଟୀକା ପାଇ ପାରିଛନ୍ତି । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉଦ୍ୟମରେ ଓଡିଶାରେ କୋଭିଡ୍ ହସ୍ପିଟାଲ ତ୍ବରାନ୍ବିତ ହେଉଛି । ଭାରତ ସରକାର ପୁରାପୁରି ଭାବରେ ରାଜ୍ୟକୁ ସହଯୋଗ କରୁଛନ୍ତି । ରୋଗୀଙ୍କ ବାବଦରେ ଜାଣିବା ପାଇଁ ପ୍ରତି ହସ୍ପିଟାଲରେ ହେଲ୍ପ ଡେକ୍ସର ବ୍ୟବସ୍ଥା କରାଯାଉ ବୋଲି କହିଛନ୍ତି ଗୋଲକ ମହାପାତ୍ର ।