୧୮/୦୫/୨୧ (ଜିଲ୍ଲା ଖବର) : କରୋନାରେ ପଦ୍ମଶ୍ରୀ ପୁରସ୍କାର ପ୍ରାପ୍ତ ଡକ୍ଟର କେ.କେ ଅଗ୍ରୱାଲଙ୍କ ଦେହାନ୍ତ । ସେ ଭାରତୀୟ ମେଡିକାଲ ଆସୋସିଏସନ (ଆଇଏମଏ) ର ପୂର୍ବତନ ସଭାପତି ଥିଲେ । ଦିଲ୍ଲୀର AIIMS ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଥିବା ଟ୍ୱିଟ ଯୋଗେ ସୂଚନା ଦିଆଯାଇଛି । ମୃତ୍ୟୁବେଳକୁ ତାଙ୍କୁ 62 ବର୍ଷ ବୟସ ହୋଇଥିଲା ।ଗତ ଏକ ବର୍ଷ ଧରି ଡକ୍ଟର ଅଗ୍ରୱାଲ କୋଭିଡ ମହାମାରୀ ଉପରେ ଭିଡିଓ ପୋଷ୍ଟ କରି ରୋଗର ବିଭିନ୍ନ ଦିଗ ତଥା ଏହାର ପରିଚାଳନା ବିଷୟରେ ସୂଚନା ଦେଉଥିଲେ। କେ.କେ ଅଗ୍ରୱାଲ ନିଜର ବୃତ୍ତି ଯୋଗୁଁ ସାରା ଦେଶରେ ପ୍ରସିଦ୍ଧ ଥିଲେ । ସେ ତାଙ୍କର ଭଲ ସ୍ୱଭାବ ପାଇଁ ମଧ୍ୟ ଜଣାଶୁଣା । ସେ କରୋନା ଅବଧିରେ ହଜାର ହଜାର ଲୋକଙ୍କୁ ସାହାଯ୍ୟ ମଧ୍ୟ କରିଥିଲେ । ଗରିବ ଏବଂ ଦୁର୍ବଳ ବିଭାଗର ରୋଗୀଙ୍କୁ ମାଗଣାରେ ଚିକିତ୍ସା କରୁଥିଲେ। ଏହାସହ ଡକ୍ଟର ଅଗ୍ରୱାଲ ମଧ୍ୟ ଭାରତର କେୟାର ଫାଉଣ୍ଡେସନର ମୁଖ୍ୟ ଥିଲେ । ସେ 2005 ରେ ଡକ୍ଟର ବିସି ରୟ ପୁରସ୍କାର ଏବଂ 2010 ରେ ପଦ୍ମଶ୍ରୀ ପୁରସ୍କାର ପାଇଥିଲେ ।