ଭୁବନେଶ୍ୱର,୧୩/୦୫/୨୧ (ଜିଲ୍ଲା ଖବର) : ବଦଳିଲେ ଝାରପଡ଼ା ଜେଲ ସୁପରିଟେଣ୍ଡେଣ୍ଟ । ଧୀରେନ୍ଦ୍ର ନାଥ ବାରିକଙ୍କୁ ବଦଳି କରାଯାଇଛି । ସରୋଜ କୁମାର ବିଶ୍ବାଳ ହେଲେ ଝରପଡା ଜେଲର ନୂଆ ସୁପରିଟେଣ୍ଡେଣ୍ଟ । ଝାରପଡ଼ା ଜେଲରେ ଅନେକ ସମୟରେ ଅବ୍ୟବସ୍ଥା ସାମ୍ନାକୁ ଆସୁଥିଲା । ଆଜି ସକାଳେ ମଧ୍ୟ ଏକ ଭିଡିଓ ଭାଇରାଲ ହୋଇଥିଲା । ଏଥିରେ ଜେଲ ଭିତରେ କଏଦୀମାନେ ସଂକୀର୍ତ୍ତନ କରିବା ସହ ଗଞ୍ଜେଇ ଧୂଆଁ ଉଡାଉଥିଲେ । ଏହାକୁ ନେଇ ବିଭିନ୍ନ ପ୍ରଶ୍ନ ଉଠିଥିଲା । ଏହାରି ଭିତରେ ଜେଲ ସୁପରିଟେଣ୍ଡେଣ୍ଟଙ୍କ ବଦଳି ହୋଇଛି । ସେହିପରି ଆଜି ଝାରପଡ଼ା ଜେଲ ସୁପରିଟେଣ୍ଡେଣ୍ଟଙ୍କୁ ମିସାଇ ୩ ଜେଲ ସୁପରିଟେଣ୍ଡେଣ୍ଟଙ୍କ ବଦଳି କରାଯାଇଛି । ଝାରପଡ଼ା, ପୁରୀ ଓ ବଲାଙ୍ଗିରର ଜେଲ ସୁପରିଟେଣ୍ଡେଣ୍ଟଙ୍କ ଅଦଳବଦଳ କରାଯାଇଛି । ତଦନୁଯାୟୀ ଝାରପଡ଼ା ଜେଲ ସୁପରିଟେଣ୍ଡେଣ୍ଟ ଧିରେନ୍ଦ୍ର ନାଥ ବାରିକଙ୍କୁ ବଲାଙ୍ଗିର ବଦଳି କରାଯାଇଛି । ସେହିପରି ପୁରୀ ଜେଲ ସୁପରିଟେଣ୍ଡେଣ୍ଟ ସରୋଜ କୁମାର ବିଶ୍ୱାଳଙ୍କୁ ଝାରପଡ଼ା ବଦଳି କରାଯାଇଛି । ଏହାଛଡ଼ା ବଲାଙ୍ଗୀର ଜେଲ ସୁପରିଟେଣ୍ଡେଣ୍ଟ ଉର୍ମିଳା ମିଞ୍ଜଙ୍କୁ ପୁରୀ ଜେଲକୁ ବଦଳି କରାଯାଇଥିବା ଜଣାଯାଇଛି ।