ନୂଆଦିଲ୍ଲୀ,୧୦/୦୫/୨୧ (ଜିଲ୍ଲା ଖବର) : କରୋନା ରୋଗୀଙ୍କ ପାଇଁ ଘାତକ ହୋଇପାରେ ବ୍ଲାକ୍ ଫଙ୍ଗସ୍ । କରୋନାରେ ଆକ୍ରାନ୍ତ ଓ କରୋନାରୁ ସୁସ୍ଥ ହୋଇଥିବା ଲୋକଙ୍କ ପାଇଁ ବ୍ଲାକ୍ ଫଙ୍ଗସ୍ ଇନଫେକସନ୍ ଘାତକ ସାବ୍ୟସ୍ତ ହୋଇପାରେ । ଏଥିପାଇଁ କେନ୍ଦ୍ର ସରକାର ଏକ ଆଡଭାଇଜରୀ ଜାରି କରିଛନ୍ତି । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ଓ ଆଇସିଏମଆର ପକ୍ଷରୁ ଆଡଭାଇଜରୀ ଜାରି ହୋଇଛି । ଏହାକୁ କିପରି ନିୟନ୍ତ୍ରିତ କରାଯାଇପାରିବ ସେନେଇ ଆଡଭାଇଜରୀରେ ପରାମର୍ଶ ଦିଆଯାଇଛି । ଅନିୟନ୍ତ୍ରିତ ଡାଇେବଟସ୍ ଓ ଆଇସିୟୁରେ ଅଧିକ ସମୟ ରହିଥିବା ଆକ୍ରାନ୍ତଙ୍କ ବ୍ଲାକ ଫଙ୍ଗସ୍ ଚିକିତ୍ସା ଯଦି ଠିକ୍ ସମୟରେ କରାନଯାଏ, ତେବେ ତାହା ଘାତକ ହୋଇପାରେ । ଏହି ରୋଗରେ ଆଖି, ନାକ ଓ ଗାଲର ତଳ ସ୍ଥାନ ଲାଲ ପଡି ଯାଇଥାଏ । ଏହା ଲଙ୍ଗସକୁ ଅଧିକ ସଂକ୍ରମିତ କରିଥାଏ । ଯାହାର ଅନେକ ରୋଗ ରହିଥାଏ ଓ ବିଭିନ୍ନ ମେଡିସିନ୍ ନେଉଥାଏ, ସେହିପରି ଲୋକ ବ୍ଲାକ ଫଙ୍ଗସରେ ଅଧିକ ସଂକ୍ରମିତ ହେବା ଆଶଙ୍କା ରହିଛି ।