୦୬/୦୫/୨୧ (ଜିଲ୍ଲା ଖବର) : ରାଜ୍ୟରେ ବଢ଼ି ବଢ଼ି ଚାଲିଛି କରୋନା ସଂକ୍ରମଣ ମାମଲା। ଯାହାକୁ ନେଇ ସମସ୍ତେ ଭୟଭୀତ ଅବସ୍ଥାରେ ରହିଛନ୍ତି । ଏଭଳି ସ୍ଥିତିରେ ଗୋଟିଏ ପରେ ଗୋଟିଏ ଜିଲ୍ଲାକୁ ଗ୍ରାସ କରୁଛି କରୋନା। କରୋନା ମାମଲା ଓଡିଶାରେ ତୀବ୍ର ବୃଦ୍ଧି ଘଟିଥିବା ବେଳେ ୧୦୦୦ ରୁ ଅଧିକ ସକ୍ରିୟ ମାମଲା ଥିବା ୩୦ ଟି ଜିଲ୍ଲା ମଧ୍ୟରୁ ୨୪ଟିକୁ ରେଡ୍ ଜୋନର ଟ୍ୟାଗ୍ ଦିଆଯାଇଛି।
ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ଅନୁଯାୟୀ, ଗୁରୁବାର ଦିନ ଓଡିଶାରେ ସକ୍ରିୟ ମାମଲା ୮୧,୫୮୫ କୁ ବୃଦ୍ଧି ପାଇଛି। ସେଥିମଧ୍ୟରୁ ୯୦ ପ୍ରତିଶତ ମାମଲା ରେଡ୍ ଜୋନ୍ ଜିଲ୍ଲାରୁ ରହିଛି।
ରେଡ୍ ଜୋନ୍ ଭାବରେ ଟ୍ୟାଗ୍ ହୋଇଥିବା ଜିଲ୍ଲାମାନଙ୍କ ମଧ୍ୟରୁ ଖୋର୍ଦ୍ଧାରେ ସର୍ବାଧିକ ୧୩,୫୬୯ ସକ୍ରିୟ ମାମଲା ରହିଛି। ୧୦୦୦ ରୁ ଅଧିକ ସକ୍ରିୟ ମାମଲା ଥିବା ଅନ୍ୟ ୨୩ ଟି ଜିଲ୍ଲା ହେଉଛି ଅନୁଗୁଳ (୩,୫୬୦), ବାଲେଶ୍ବର (୧,୪୮୪), ବରଗଡ (୪,୦୯୩), ଭଦ୍ରକ (୧,୩୦୫), ବାଲାଙ୍ଗୀର (୨,୬୪୪), ବୌଦ୍ଧ (୧,୨୪୯), କଟକ (୫,୯୦୧), ଗଞ୍ଜାମ (୧,୬୩୨) , ଜଗତସିଂହପୁର (୧,୨୦୫), ଯାଜପୁର (୨,୬୩୨), ଝାରସୁଗୁଡା (୩,୧୭୬), କଳାହାଣ୍ଡି (୨,୯୦୧), କେନ୍ଦୁଝର (୧,୧୬୩), କୋରାପୁଟ (୧,୦୪୯), ମୟୂରଭଞ୍ଜ (୨,୧୧୮), ନବରଙ୍ଗପୁର (୩,୨୭୧), ନୟାଗଡ଼ (୧,୭୩୪) , ପୁରୀ (୩,୫୮୬), ରାୟାଗଡା (୧,୩୬୪), ସମ୍ବଲପୁର (୩,୮୯୮), ସୋନପୁର (୧,୧୧୫) ଏବଂ ସୁନ୍ଦରଗଡ (୭,୯୦୬)।
ବଢ଼ୁଛି ସଂକ୍ରମଣ, ଯାଉଛି ଜୀବନ । ବର୍ତ୍ତମାନର ପରିସ୍ଥିତିରେ ସମସ୍ତେ ଘରେ ରହିବା ଏବଂ ସଜାଗ ରହିବା ଆବଶ୍ୟକ ହୋଇପଡୁଛି।