
ବ୍ରହ୍ମପୁର, ୦୪/୦୫/୨୧ (ଜିଲ୍ଲା ଖବର) : ମହାମାରୀରେ ବଢୁଛି ନକଲି ମଦ କାରବାର । ବ୍ରହ୍ମପୁର ଫାଷ୍ଟ ଗେଟ ନିକଟରେ ଏକ ଗାଡିରୁ ୧୫ ପେଟି ନକଲି ମଦ ଜବତ ହୋଇଛି । ଅବକାରୀ ଗୁଇନ୍ଦା ବିଭାଗ ପକ୍ଷରୁ ପେଟ୍ରୋଲିଂବେଳେ ଏହି ମଦ ଜବତ ହୋଇଛି । ଗାଡିରେ ବସିଥିବା ଦୁଇ ଜଣକୁ ପଚରାଉଚରା ପରେ ନକଲି ମଦ ସାମ୍ରାଜ୍ୟର ପେଡି ଖୋଲିଥିଲା । ମାଫିଆମାନେ ବିଦେଶୀ ବ୍ରାଣ୍ଡର ଲୋଗୋ ଲଗାଇ ନିଜେ ନିଜେ ପ୍ରସ୍ତୁତ କରୁଛନ୍ତି ବିଦେଶୀ ମଦ । ୩୦ ଟଙ୍କା ଖର୍ଚ୍ଚରେ ୭୦ ଟଙ୍କା ଲାଭ । ଜିଲ୍ଲା ବାହାରକୁ ଏହି ମଦକୁ ଚାଲାଣ କରୁଥିବା ଜଣାପଡିଛି । ସିକ୍ଷେତ୍ରବିହାର ସ୍ଥିତ ଏକ ଭଡାଘରେ ମଦ ପ୍ରସ୍ତୁତ କରୁଥିଲେ ବୋଲି ସୂଚନା ମିଳିଛି । ସେହି ଫ୍ୟାକ୍ଟ୍ରିରୁ ଏକ ହଜାର ଲିଟର ସ୍ପିରିଟ, ୧୨୯ ଲିଟର ନକଲି ମଦ, ୫ ହଜାର ଠିପି, ୫ ହଜାର ଲେବେଲ, ୫ ହଜାର ଷ୍ଟିକର, ବିଭିନ୍ନ ରଙ୍ଗ ଜବତ ହୋଇଛି । ଏହାସହ ଏନେଇ ଅଧିକ ତଦନ୍ତ ଜାରି ରହିଛି ।


