ନୂଆଦିଲ୍ଲୀ, ୨୯/୦୪/୨୧ (ଜିଲ୍ଲା ଖବର) : ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । କରୋନାକୁ ନେଇ ସ୍ଥିତି ଚିନ୍ତାଜନକ । ଗୋଟେପଟେ କରୋନା ସଂକ୍ରମିତ ସଂଖ୍ୟା ବୃଦ୍ଧି ପାଉଥିବା ବେଳେ, ଅନ୍ୟପଟେ ଅନେକ୍ ହସ୍ପିଟାଲରେ ବେଡ ଏବଂ ଅକ୍ସିଜେନର ଘୋର ଅଭାବ ଦେଖା ଦେଉଛି ।
ଏଭଳି ପରିସ୍ଥିତିକୁ ଦେଖି ଅନେକ୍ ସେଲିବ୍ରେଟି ଏହାରି ମଧ୍ୟରେ ସାହାଯ୍ୟର ହାତ ବଢାଇବାକୁ ଆଗକୁ ଆସୁଥିବା ଦେଖିବାକୁ ମିଳୁଛି । ନିକଟରେ ବଲିଉଡ ଅଭିନେତା ଅଜୟ ଦେବଗନ୍ କରୋନା ସଂକ୍ରମିତଙ୍କ ସାହାଯ୍ୟ କରିଛନ୍ତି । ମହାରାଷ୍ଟ୍ରରେ କରୋନା ଥମିବାର ନାଁ ଧରୁନାହିଁ ।
ଏହାରି ମଧ୍ୟରେ ଅଜୟ ଦେବଗନ୍ ମୁମ୍ବାଇର ଶିବାଜୀ ପାର୍କରେ ନିଜ ତରଫରୁ ୨୦ଟି ଶଯ୍ୟା ବିଶିଷ୍ଟ ଆଇସିୟୁର ବ୍ୟବସ୍ଥା କରିଛନ୍ତି । ଯାହା ଦ୍ୱାରା କରୋନା ରୋଗୀଙ୍କ ଟ୍ରିଟମେଣ୍ଟ କରାଯାଇ ପାରିବ ।
ଖବର ମୁତାବିକ୍, ଅଜୟ ଦେବଗନ୍ ବିଏମ୍ସିକୁ ପ୍ରାୟ ୧ କୋଟି ଟଙ୍କା ଦେଇଛନ୍ତି । ଯେଉଁଥିରେ ୨୦ ଶଯ୍ୟା ବିଶିଷ୍ଟ ଏମରଜେନ୍ସି ହସ୍ପିଟାଲ ନିର୍ମାଣ ହୋଇ ପାରିବ । ତାଙ୍କର ଏହି ପଦକ୍ଷେପକୁ ପ୍ରଶଂସା କରାଯାଉଛି ।