
୦୮/୦୪/୨୧ (ଜିଲ୍ଲା ଖବର) : ଭାରତରୁ ଆସୁଥିବା ଯାତ୍ରୀଙ୍କ ପାଇଁ ନ୍ୟୁଜଲାଣ୍ଡ ବ୍ୟାନ୍ । ଏପରିକି ଭାରତରେ ଥିବା ନ୍ୟୁଜଲାଣ୍ଡର ଯାତ୍ରୀଙ୍କୁ ମଧ୍ୟ ନ୍ୟୁଜଲାଣ୍ଡ ଗସ୍ତରେ ପ୍ରତିବନ୍ଧକ ଲଗାଇଛନ୍ତି ନ୍ୟୁଜଲାଣ୍ଡ ପ୍ରଧାନମନ୍ତ୍ରୀ ଜାକିଣ୍ଡା ଆର୍ଡର୍ନ । ଗୁରୁବାର ଏହାର ସୀମାରେ 23ଟି ନୂତନ ପଜିଟିଭ୍ ମାମଲା ସାମନାକୁ ଆସିଥିଲା । ସେଥିମଧ୍ୟରୁ ଭାରତରୁ ଥିଲା 17 ଟି ମାମଲା । ଯାହାପରେ ଏହି ପଦକ୍ଷେପ ନେଇଛି ନ୍ୟୁଜଲାଣ୍ଡ । ତେବେ ଏନେଇ ନ୍ୟୁଜଲାଣ୍ଡ ପ୍ରଧାନମନ୍ତ୍ରୀ କହିଛନ୍ତି ଯେ, ଭାରତରେ ଦ୍ୱତୀୟ ଲହରୀ କ୍ଷୀପ୍ର ଗତିରେ ବୃଦ୍ଧି ପାଉଛି । ଏହାକୁ ଦୃଷ୍ଟିରେ ରଖି କିପରି ଦେଶରେ ଏହାର ମୁକାବିଲା କରାଯାଇପାରିବ ସେନେଇ ପଦକ୍ଷେପ ନିଆଯାଉଛି । ଆମେ ଭାରତରୁ ଯାତ୍ରୀମାନଙ୍କ ପାଇଁ ନ୍ୟୁଜିଲ୍ୟାଣ୍ଡରେ ପ୍ରବେଶକୁ ସାମୟିକ ଭାବେ ସ୍ଥଗିତ ରଖିଛୁ । ଏଠାରେ କହି ରଖୁଛୁ ଯେ, ନ୍ୟୁଜଲାଣ୍ଡରେ ପ୍ରାୟ 40 ଦିନ ଧରି ଗୋଟିଏ ବି ପଜିଟିଭ ମାମଲା ରିପୋର୍ଟ ହୋଇନାହିଁ ।


