ନୂଆଦିଲ୍ଲୀ, ୦୩/୦୪/୨୧ (ଜିଲ୍ଲା ଖବର) : ନିଜ ଗାୟିକିରେ ସମସ୍ତଙ୍କୁ ଦିୱାନା କରୁଥିବା ଗାୟକ ହରିହରନଙ୍କ ଆଜି ଜନ୍ମଦିନ । ସେ ୩ ଏପ୍ରିଲ ୧୯୫୫ରେ ମୁମ୍ବାଇର ଏକ ତାମିଲ ପରିବାରରେ ଜନ୍ମଗ୍ରହଣ କରିଥିଲେ । ଘରେ ତାଙ୍କର ସଙ୍ଗୀତର ମାହୋଲ ରହିଥିଲା । ଯାହା ଫଳରେ ସେ ମଧ୍ୟ ସଙ୍ଗୀତ ପ୍ରେମୀ ହୋଇଥିଲେ ।
ଖୁବ୍ କମ୍ ବର୍ଷ ବୟସରୁ ସଙ୍ଗୀତ ଶିକ୍ଷା ଗ୍ରହଣ କରିବା ଆରମ୍ଭ କରିଥିଲେ । ଦିନରେ ପାଖାପାଖି ୧୩ ଘଂଟା ସେ ରିଆଜ୍ କରୁଥିଲେ । ହରିହରନ୍ ହିନ୍ଦୀ, ମଲାୟାଲମ୍, ତେଲୁଗୁ, କନ୍ନଡ, ଭୋଜପୁରୀ ଏବଂ ମରାଠୀ ଭାଷାରେ ମଧ୍ୟ ଗୀତ ଗାଇଛନ୍ତି । ହରିହରନ୍ ୧୯୯୨ରେ ଏ ଆର୍ ରହମାନ୍ଙ୍କ ସହ ଗାଇବା ଆରମ୍ଭ କରିଥିଲେ ।
ଏହାପରଠାରୁ ସେ ଜଣେ ଜଣାଶୁଣା ନାଁ ଭାବେ ପରିଚିତ ହେଲେ । ପ୍ରକାଶ ଥାଉକି, ପଦ୍ମଶ୍ରୀ ଓ ଦୁଇଟି ରାଷ୍ଟ୍ରୀୟ ପୁରସ୍କାରରେ ହରିହରନଙ୍କୁ ସମ୍ମାନିତ କରାଯାଇଛି । ଅନେକ୍ ହିଟ ଗୀତରେ ସେ ନିଜର କଣ୍ଠଦାନ କରିଛନ୍ତି । ତାଙ୍କ ଗାୟିକିକୁ ଶ୍ରୋତା ମଧ୍ୟ ବେଶ ପସନ୍ଦ କରନ୍ତି । ତେବେ ଆଜି ତାଙ୍କ ଜନ୍ମଦିନ ଅବସରରେ ତାଙ୍କୁ ଜନ୍ମଦିନର ଅନେକ୍ ଅନେକ୍ ଶୁଭକାମନା ।