
ବ୍ରହ୍ମପୁର,୩୦/୦୩/୨୧ (ଜିଲ୍ଲା ଖବର) : କୋଭିଡ ସଂକ୍ରମଣକୁ ଦୃଷ୍ଟିରେ ରଖି ସୁରତରେ 144 ଧାରା ଜାରି କରାଯାଇଛି । ଆଜିଠାରୁ ଏପ୍ରିଲ ୧୫ ଯାଏଁ ଏହି କଟକଣା ବଳବତ୍ତର ରହିବ । ଏହି ସମୟ ମଧ୍ୟରେ ୪ ଜଣରୁ ଅଧିକ ଲୋକ ଏକାଠି ହୋଇପାରିବେ ନାହିଁ । ଏହାଛଡା ରାଲି ଓ ଶୋଭାଯାତ୍ରା ଉପରେ ବି କଟକଣା ଜାରି କରାଯାଇଛି । ତେବେ ଅନ୍ତିମ ସଂସ୍କାର ଓ ବିବାହ ଉତ୍ସବକୁ ଏହି କଟକଣାରୁ ବାଦ୍ ଦିଆଯାଇଛି । ନିୟମକୁ ଉଲ୍ଲଙ୍ଘନ କଲେ କଡା କାର୍ଯ୍ୟାନୁଷ୍ଠାନ କରିବାକୁ ନିର୍ଦ୍ଦେଶ ଦିଆଯାଇଛି । ଗୁଜୁରାଟରେ କରୋନା ମାମଲା ମଧ୍ୟରୁ ଅଧା କେବଳ ସୁରଟରୁ ଆସୁଛି । ତେଣୁ ଏଠାରେ ଏଭଳି ପଦକ୍ଷେପ ନେଇଛି ପ୍ରଶାସନ । ସୁରଟରେ ଗତ ୨୪ ଘଂଟା ମଧ୍ୟରେ ୬୧୧ ନୂଆ ସଂକ୍ରମଣ ହୋଇଥିବାବେଳେ ୨ଜଣ ପ୍ରାଣ ହରାଇଛନ୍ତି । ସୁରଟ୍ ସହ ପ୍ରବାସୀ ଓଡ଼ିଆଙ୍କ ସିଧାସଳଖ ସମ୍ପର୍କ ରହିଛି । କାରଣ ସୁରଟ ସହରରେ ଓଡ଼ିଶାର ବିଭିନ୍ନ ଜିଲ୍ଲାରୁ ଲକ୍ଷ ଲକ୍ଷ ଲୋକ ସେଠି କାମ କରୁଛନ୍ତି । ଗତବର୍ଷ ଯେତେବେଳେ ଗୁଜରାଟରେ ସଂକ୍ରମଣ ବଢ଼ିଥିଲା ପ୍ରାୟ ୪ ଲକ୍ଷ ଲୋକ ଗୁଜରାଟରୁ ଆସିଥିଲେ ।


