
ଆବଶ୍ୟକ ସାମଗ୍ରୀ-
ପାଣି, ଚିନି, ଲୁଣ, ଚା’ପତି, ତୁଳସୀ ପତ୍ର, ବରଫ, ଲେମ୍ବୁ ।
ପ୍ରସ୍ତୁତି ପ୍ରଣାଳୀ-
ପ୍ରଥମେ ଗ୍ୟାସ୍ରେ ସସ୍ପେନ୍ ବସେଇ ପାଣି ଢାଳି ଫୁଟାଇବେ । ପାଣି ଫୁଟି ଆସିବା ସମୟରେ ସେଥିରେ ଚିନି , ସାମାନ୍ୟ ଲୁଣ ଏବଂ ଚା’ପତି ପକାଇ କିଛି ସମୟ ଫୁଟାଇବେ । ଦେଖିବେ ଏହା ଭଲଭାବେ ଫୁଟିଯିବା ପରେ ଗ୍ୟାସ୍ ବନ୍ଦ କରି ତାକୁ ଏକ କପ୍କୁ ଛାଣି ରଖିବେ । ଏହାପରେ ଆଉ ଏକ କାଚ ଗ୍ଲାସ୍ ନେଇ ସେଥିରେ କିଛି ପତଳା ପତଳା ଗୋଲଗୋଲ କଟା ହୋଇଥିବା ଲେମ୍ବୁ ପକାଇବେ । ତାପରେ ସେଥିରେ ତୁଳସୀ ପତ୍ରକୁ ଛିଡାଇ ପକାଇବେ । ଏହାପରେ ସେଥିରେ ବରଫ ପକାଇ ତାପରେ ସେଥିରେ ଛାଣି ରଖିଥିବା ଚା’ ପକାଇ ମିକ୍ସ କରିବେ । ଏହାପରେ ସେଥିରେ ଅଳ୍ପ ଲେମ୍ବୁ ରସ ପକାଇ ମିକ୍ସ କରିବେ । ପ୍ରସ୍ତୁତ ହୋଇଗଲା ତୁଳସୀ ଆଇସ୍ ଟି’ । ଏବେ ଏହାର ମଜା ନେଇ ପାରିବେ ।


