ବୌଦ୍ଧ,୨୬/୦୩/୨୧ (ଜିଲ୍ଲା ଖବର) : ବୌଦ୍ଧ ଜିଲ୍ଲା ସଦର ଥାନା 57 ନମ୍ବର ଜାତୀୟ ରାଜପଥ ଖଜୁରୀପଡା ନିକଟରେ ସଡ଼କ ଦୁର୍ଘଟଣା । ଏକ ବସ୍ଟ୍ରକ୍ମୁହାଁମୁହିଁ ଧକ୍କା ହେବାରୁ 10 ଯାତ୍ରୀ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ 3ଜଣଙ୍କ ଅବସ୍ଥା ଗୁରୁତର ଅଛି । ତିରୁପତି’ ନାମକ ଏକ ଘରୋଇ ବସ ଭୁବନେଶ୍ୱରରୁ ଭବାନୀପାଟଣା ଯାଉଥିଲା । ବିଳମ୍ବିତ ରାତି ପ୍ରାୟ ୩ଟା ସମୟରେ ବସଟି 57ନମ୍ବର ଜାତୀୟ ରାଜପଥ ଖଜୁରୀପଡା ଅତିକ୍ରମ କରୁଥିଲା । ଏହି ସମୟରେ ବିପରୀତ ଦିଗରୁ ଆସୁଥିବା ଟ୍ରକ ସହ ବସର ମୁହାଁମୁହିଁ ଧକ୍କା ହୋଇଥିଲା । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ଆହତମାନଙ୍କୁ ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଛି ।