ପୁରୀ,୨୧/୦୩/୨୧ (ଜିଲ୍ଲା ଖବର) : ରାଷ୍ଟ୍ରପତିଙ୍କ ଗସ୍ତକୁ ନେଇ ଆଜି ପୁରୀରେ ଅତିରିକ୍ତ ଡିଜି ଜସୱନ୍ତ ଜେଠୱଆ ପୁରା ସୁରକ୍ଷା ବ୍ୟବସ୍ଥାର ଯାଞ୍ଚ କରିଛନ୍ତି । ଯେଉଁ ସମୟରେ ରାଷ୍ଟ୍ରପତିଙ୍କ ଗସ୍ତ ରହିବ ଠିକ୍ ସେହି ସମୟରେ କ୍ୟାରକେଡ୍ ରହିରସଲ୍ କରାଯାଇଥିଲା। ଶ୍ରୀମନ୍ଦିରକୁ ଅତରିକ୍ତ ଡିଜି ଯଶବନ୍ତ ଯେଠୁଆ ଯାଇ ପୁରା ସୁରକ୍ଷା ବ୍ୟବସ୍ଥାର ସମୀକ୍ଷା କରିଥିଲେ । ସେହି ସମୟରେ କେନ୍ଦ୍ରାଞ୍ଚଳ ଡ଼ିଆଇଜି ଜୟନାରାୟଣ ପଙ୍କଜ ଓ ଏସ୍ପି କନୱର ବିଶାଳ ସିଂ ମଧ୍ୟ ଦର୍ଶନ ବ୍ୟବସ୍ଥାକୁ ଅନୁଧ୍ୟାନ କରିଥିଲେ। ଯେଉଁ ସେବାୟତ ରାଷ୍ଟ୍ରପତିଙ୍କ ଗସ୍ତ ସମୟରେ ଉପସ୍ଥିତ ରହିବେ ସେମାନଙ୍କ ସହ ଆଲୋଚନା କରିଥିଲେ । ବିଶେଷ କରି କାରକେଡ୍ ରିହରସଲ୍, ଶ୍ରୀମନ୍ଦିର ଭିତର ଓ ବାହାର ସୁରକ୍ଷା ବ୍ୟବସ୍ଥାକୁ ସମ୍ପୂର୍ଣ୍ଣ ଅନୁଧ୍ୟାନ କରାଯାଇଥିଲା ୪୦ ପ୍ଲାଟୁନ ପୋଲିସ ଫୋର୍ସଙ୍କ ସମେତ ୨୫୦ ପୋଲିସ ଅଧିକାରୀ ଏବଂ ୧୩ଜଣ ବରିଷ୍ଠ ପୋଲିସ ଅଧିକାରୀ ସୁରକ୍ଷା ଦାୟିତ୍ୱରେ ରହିବେ ବୋଲି ଅତରିକ୍ତ ଡିଜି କହିଛନ୍ତି ।