ଶେରଗଡ଼, ୦୭/୧୦(ଜ଼ିଲ୍ଲା ଖବର) : ମହାତ୍ମା ଗାନ୍ଧୀ ଉଚ୍ଚ ବିଦ୍ୟାଳୟଠାରେ ଶେରଗଡ଼ ସାହିତ୍ୟ ସଂସଦ ତରଫରୁ ଏକ ଶାରଦୀୟ ଆସର ଅନୁଷ୍ଠିତ ହୋଇଯାଇଥିଲା l ଏଥିରେ ବିଦ୍ୟାଳୟର ପ୍ରଧାନ ଶିକ୍ଷକ ସୁବାସ ଚନ୍ଦ୍ର ତାରିଣୀ ସଭାପତିତ୍ୱ କରିଥିଲେ ଏବଂ ମୁଖ୍ୟ ଅତିଥି ରୂପେ ବିପ୍ର ଚରଣ ମିଶ୍ର, ମୁଖ୍ୟ ବକ୍ତା-ଶରତ ଚନ୍ଦ୍ର ପଣ୍ଡା,ସମ୍ମାନିତ ଅତିଥି-ଭାଗିରଥି ପଣ୍ଡା ଓ ଭାସ୍କର ରାଉତ ପ୍ରମୁଖ ମଞ୍ଚାସିନ ଥିଲେ l ସଂସଦର ସମ୍ପାଦକ ତଥା ସଂଯୋଜକ ଶ୍ରୀଯୁକ୍ତ କୈଳାଶ ଚନ୍ଦ୍ର ପାଢ଼ୀ ମଞ୍ଚ ପରିଚାଳନା କରିଥିଲେ l କବୟିତ୍ରୀ ଶୁଭସ୍ମିତା ତ୍ରିପାଠୀଙ୍କ ନିଜସ୍ୱ ରଚିତ ବହି ନୀଳତୃଷ୍ଣାକୁ ଆଲୋକପାତ କରି ସମ୍ବର୍ଦ୍ଧନା କରାଯାଇଥିଲା l ଏଥିରେ କବି ନିରାକାର ବିଷୋୟୀ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲେ l ଯୁଗଳ ସାହୁ,ପ୍ରଫୁଲ୍ଲ ପଣ୍ଡା,ଅଶୋକ କୁମାର ସାମନ୍ତରାୟ,ଅଶୋକ କୁମାର ସ୍ୱାଇଁ,ବଳରାମ ପାଣିଗ୍ରାହୀ, ସ୍ମିତା ମହାରଣା, ପ୍ରିୟଙ୍କା ପାଢ଼ୀ ଏବଂ ବିଦ୍ୟାଳୟର ଛାତ୍ର ଛାତ୍ରୀମାନେ “ମାମୁଁ ଘର” ବିଷୟକୁ ନେଇ କବିତା,ଗଳ୍ପ ଓ ରଚନା ପାଠ କରି ସଭାକୁ ସାଫଲ୍ୟ ମଣ୍ଡିତ କରିଥିଲେ l ପରିଶେଷରେ ଅନିଲ କୁମାର ତ୍ରିପାଠୀ ଧନ୍ୟବାଦ ଅର୍ପଣ କରି ଉତ୍ସବକୁ ଶେଷ କରିଥିଲେ l